Иссиқда кўпчилик макияжни камайтиришга ҳаракат қилади, аммо бу етарли эмас. Терингизга салбий таъсир кўрсатадиган кучли қуёш нури, шаҳар чанги, қуруқ ҳаво каби омиллар кўп. Шунинг учун ёз фаслида SPF воситалари, енгил пардоз ва намлантириш жуда муҳим. Тонал крем ўрнига праймердан фойдаланинг Одатда жазирамада пардоз воситаларининг сонини иложи борича камайтиргимиз келади. Агар терингизда жиддий муаммо бўлмаса ва уни яширишга эҳтиёж бўлмаса, пудра ёки праймер ишлатинг. Бу макияж учун асос бўлиб, одатда терини текислайди ва намлантиради, аммо “ниқоб” эффектини бермайди. C витамини мавжуд гелдан фойдаланинг Албатта, юзингизга лимон суртиш шарт эмас, лекин таркибида C витамини ёки лимон кислотаси мавжуд бўлган гел ёки кўпикни олиб, кечқурун ювиниш мумкин. Бундай воситалар терини чуқур тозалашда жуда яхши самара беради. Бироқ ювиниш вақтида терида тортилиш ҳисси пайдо бўлиши мумкин. Терингизни тинчлантириш учун тоникдан фойдаланиб, унинг pH мувозанатини тикланг, сўнгра эса алоэ, бодринг ёки гиалурон кислотаси асосидаги намлантирувчи восита билан терингизни озиқлантиринг. SPF воситаларини унутманг Гил ниқоблардан фойдаланинг Ёғли ва муаммоли терига эга бўлганлар учун бу восита теридан керакcиз моддаларни “тортиб олиш” учун жуда яхши ечимдир. Ниқобдан сўнг эса албатта намловчи крем суртинг. Ахир ёзда ҳам терига намлик кераклигини биласиз-а? Косметика воситаларини имкон қадар камайтиринг Иссиқ кунларда гўзаллик парваришини ортиқча воситалар билан юклаш тавсия этилмайди. Сиз фақатгина қуйидагиларни ишлатишингиз мумкин: юз ювиш учун гел ёки кўпик, терини маттлаштирувчи лосьонлар, юз ва кўз атрофи учун енгил флуидлар ҳамда тунда суртадиган енгил крем. Теермал сувни ёнингизда олиб юринг Иссиқда ҳар доим ёнингизда термал сув олиб юринг. Чунки офис ёки уйда ишлаётган кондиционерлар терингизни қаттиқ қуритади. Агар вақтида уни намламасангиз, ташқаридаги қуёш таъсирида тери янада қурийди, натижада тери ўзини ҳимоялаш учун кўпроқ ёғ ажрата бошлайди. Бу эса ёғ безлари фаолиятининг ортиши, ҳуснбузар, акне ва ҳатто эрта ажинлар пайдо бўлишига олиб келади. Ёзги макияж учун кўп восита керак эмас Қуёшдан ҳимояловчи кўзойнак тақинг Бу фақат мода ёки УВ нурларидан кўзни ҳимоя қилиш учун эмас (гарчи бу ҳам муҳим). Балки бу орқали сиз кўз қовоғи ва атрофидаги нозик терини қуёшдан асрайсиз. Бу эса ажинлар пайдо бўлишининг олдини олади.
Қаерда бўлишингиздан қатъий назар қуёшдан ҳимояловчи воситалардан фойдаланиш зарур. SPF 30 ва ундан юқори кўрсаткичга эга кремни қўлланг, дейди косметолог Астрид Овеян.
Жазирамада макияж учун кўплаб воситаларни ишлатишни маслаҳат бермаган бўлардим. Праймер, туш, крем ва лаб бўёғи етарли, дейди стилист Эвгений Трефилов.
Мавзуга доир
×![Lightbox Image]()
Изоҳ (0)