Шоу-бизнесда истеъдоднинг наслдан наслга ўтишининг кўплаб мисоллари мавжуд. Болалар ота-оналарининг изидан бориб, кино соҳасига қизиқиб қолган машҳур сулолалар ҳақида маълумот берамиз.
Синди Кроуфорд ва Кайя Гербер
80-90 йилларнинг энг машҳур моделлардан бири Синди Кроуфорд ҳали ҳам гўзал кўринишда, гўёки вақт унга таъсир қилмагандай. Қизи Кайя Гербер ҳам бугунги куннинг энг машҳур моделлардан бирига айланди. Қиз 10 ёшида илк бор подиумга чиққан ва шундан бери йирик халқаро брендлар томонидан жуда талабгир. Кайя онасидан ташқи кўриниш билан бирга истеъдод ва харизмани ҳам мерос қилиб олган.
Михаел ва Мик Шумахер
Михаел Шумахер — машҳур немис автопойгачиси, кўп бор рекордлар ўрнатган ва “Формула-1” чемпиони. Уни ушбу спорт тарихидаги энг муваффақиятли пойгачи деб ҳисоблашади. Михаел ўғли Мик учун ажойиб ўрнак бўлган. Пойгачининг ўғли 2018 йилда Европа “Формула-3” ва 2020 йилда “Формула-2” чемпиони бўлган. 2024 йилда эса у Alpine World Endurance Hypercar Team жамоасига қўшилади.
Қизиғи, Михаелнинг укаси ва Микнинг амакиси Ралф Шумахер ҳам автопойгачи. Шунингдек, Микнинг амакиваччаси Девид Шумахер ҳам пойга билан шуғулланади.
Билли Рей ва Майли Сайрус
Майли Сайрус — мусиқачи ва актёр Билли Рей Сайруснинг қизи эканини мухлислар кўп йиллар аввал “Ҳанна Монтана” сериали орқали билиб олишган. Сериалда улар ўзларини ўйнашган ва дуэт бўлиб қўшиқ куйлашган. Уларнинг қўшиқлари сериал саундтрекига айланган.
Билли Рей қизига шоу-бизнесда ўрнини топишида ёрдам берган. У Майли учун қўшиқлар ёзган. Натижада “Ҳанна Монтана” сериали кастингига келган қизнинг рэпертуари ажойиб бўлган. Майли ҳам отаси сингари актёрлик ва мусиқага истеъдоди бор эди. Янги юлдуз сериалда суратга тушиш билан бир вақтда қўшиқлар ёзган. Ҳозир эса у мустақил ижод қилади.
Жонни Депп, Ванесса Паради ва Лили Роуз Депп
Жонни Деппнинг қизи бўлгани учун ёш актриса Лили-Роузга кўпинча “непо-бейби” деган ном беришган. Бу у ўз муваффақиятини мустақил эмас, балки машҳур отаси туфайли қўлга киритган дегани. Унинг онаси Ванесса Паради ҳам актриса. Аммо бу Лили-Роузнинг карьерасини ота-онаси қуриб берган деб ўйлаш учун асос эмас. Қиз умр бўйи ўзига муносиб ўрнакларни кўриб улғайган ва уларга эргашишга қарор қилган. Деппнинг кичик қизи шунчаки сулолани давом эттирди — худди бошқа юлдузлар сингари.
Бейонсе, Jay-Z ва Блу Айви Картер
Мухлисларнинг айтишича, яқин келажакда Блу Айви Картер ҳам машҳур ота-онаси Бейонсе ва Jay-Z каби мегаюлдузга айланади. Қизалоқ ёшлигидан катта саҳна нималигини билади. Ҳозир у бор-йўғи 12 ёшда, лекин аллақачон қиролича Би билан бирга чиқишлар қилмоқда. Блу Айви мусиқада ҳам ўзини синаб кўрган — 2019 йилда у “Қирол шер” фильми учун саундтрек яратиб, Soul Тrain Awards мукофотига сазовор бўлди. Ўша пайтда қизча ота-онаси билан бирга Braun Skin Girl қўшиғини ёзишган, бу уларнинг оилавий ютуғига айланган.
Кане ва Норт Уэст
Ким Кардашян ва Кане Уэстнинг 11 ёшли қизи Норт Уэст кўп қиррали қиз. У ажойиб суратлар чизади, макияж қилишни билади ва ўзини блогерликда синаб кўрмоқда. Яқинда унинг қизиқишлари янада кенгайди — қиз отасидан илҳомланиб, мусиқага қўл урди. Март ойида қизалоқ ўзининг Elementary School Dropout деб номланган дебют альбомини эълон қилди. Унинг биринчи сингли эса Кане ва Ty Dolla $ign билан биргаликда ёзилган Talking/Once Again қўшиғи бўлди.
Шубҳасиз, Нортнинг барча ишларида отаси унга ёрдам бериб, унга продюсерлик қилмоқда. Бошқалар ёш юлдузни “непо-бейби” деб аташи мумкин, лекин Норт бунга эътибор бермайди.
Изоҳ (0)