Иорданиянинг мафтункор маликаси ҳозирда қандай кўринишга эга? (фото)

Иордания қироли Абдуллоҳ II нинг укаси Ҳошим ибн ал-Ҳусайннинг тўнғич қизи, 16 ёшли малика Ҳаала интернетда “Шарқнинг янги юлдузи” номи билан танилмоқда. Қироллик фарзандларининг, жумладан, Ҳааланинг шахсий ҳаёти ҳақида деярли ҳеч қандай маълумот йўқ. Аммо сўнгги кунларда ОАВ маликанинг ноёб фотосуратларини олишга муваффақ бўлди.

Ҳаала исми “порлоқ юлдуз” деган маънони англатади. У 2007 йил 16 апрелда Уммонда таваллуд топган. Малика қирол Абдуллоҳ II нинг укаси Ҳошим ибн ал-Ҳусайннинг тўнғич қизидир. Ҳошим 1981 йилда туғилган. У қирол Ҳусайннинг тўртинчи рафиқаси — америкалик Лиза Халаби (ҳозирги исми Нур)нинг фарзанди.

Нур набираси Ҳаалани жуда яхши кўради. Ҳаала қироличанинг европача ташқи кўринишини мерос қилиб олган: қизнинг бўйлари баланд, қомати озғин, кўз ва сочларининг ранги оч.

Ҳаала улғайгани сари, асосан, ғарб генларини мерос қилиб олгани равшан бўла бошлади. У опа-сингилларидан фарқли ўлароқ, асли келиб чиқиши саудиялик бўлган онаси Фаҳда Муҳаммад Абунаянга умуман ўхшамайди.

Иордания қироллик оиласининг барча аъзолари, ҳатто улар тахтга ўнинчи ўринда даъвогар бўлса ҳам, протокол ва хавфсизлик нуқтайи назаридан уларнинг ҳаёт тарзи қаттиқ тартибга солинади. Албатта, маликалар қасрларга қамаб қўйилмайди, лекин эрта ёшдан бошлаб қироллик қизлари омма олдида кўп чиқиш қилмайди. Шундай бўлса-да, яқинда Уммондаги расмий тадбирларда қатнашган маликалар сурати пайдо бўлди. Қуйидаги фото бир йил аввал олинган:

Амакиваччасининг тўй маросимида чиройли яшил либосда пайдо бўлган Ҳаала бир зумда Интернетда юлдузга айланди. Ижтимоий тармоқларда фойдаланувчилар “Мен унинг 16 ёшда эканлигига ишона олмайман!” — қабилида изоҳ қолдирди. Эҳтимол, байрамга малика макияж қилиб келгани учун ёши катта кўринган бўлиши мумкин.

Иордания қироллик оиласи диний урф-одатларга амал қилади, аммо қиролича Рания Яқин Шарқдаги қизлар ҳақ-ҳуқуқларини ҳимоя қилиш учун доим курашиб келган. Шунинг учун қироллик қизлари ва жиянлари юз ва сочларини рўмол билан ёпмайди, тадбирларда шим кия олади. Ҳошимийлар фарзандлари ота уйида яшар экан, уларга буларнинг бари мумкин деб қаралади.