Сўнгги тенденцияларга қараганда, аёл гўзаллигининг қонунлари яна катта ўзгаришларга дуч келмоқда. Мукаммал бўлиш зерикарли. Оломондан ажралиб туриш учун сизда ноодатий жиҳат бўлиши керак.
Сирша Ронан
Бу ёш Голливуд актрисаси аллақачон битта “Олтин глобус” ва учта “Оскар” номинациясига эга. 29 ёшли Сирша Ронан ўзининг ажойиб актёрлик қобилиятига эга эканлигини бир неча бор исботлади. Мисол учун, таъсирчан ирланд драмаси “Бруклин” чиқишидан олдин у Питер Жексоннинг “Севимли суяклар” фильми билан ёдга олинарди. Аммо Жон Кроули фильми туфайли актриса ўзини бутунлай бошқа томондан кўрсатишга муваффақ бўлди. У ўзини ва васвасаларини енгиб, ўта оғир вазиятда ғалаба қозонган кучли ва садоқатли қиз ролини ўйнади. Шунингдек, “Икки қиролича” фильмида Шотландия қироличаси Мери Стюарт ролини ижро этди. Актрисанинг ноодатий қиёфаси — тиниқ кўк кўзлари ва ёрқин, беғубор юзини ҳисобга олсак, актрисани ҳали кўп ғайриоддий ва қизиқарли роллар кутиб турибди.
Бу ёш ирландиялик қизнинг ташқи кўриниши ҳар доим муҳокама мавзуси бўлган. Гап шундаки, макияж унга умуман ярашмайди. Актрисанинг беғубор кўриниши қўпол ва қуюқ рангларга тоқат қилмайди, у табиийликни афзал кўради.
Хлое Грэйс Moретс
Хлое Moретс 26 ёшда ва у биринчи марта 7 ёшида фильмда рол ўйнаган. Отаси пластик жарроҳ бўлишига қарамай, бу омилларнинг ҳеч бири актрисанинг ташқи кўриниши ва хатти-ҳаракатларига таъсир қилмаган. Бундай имконият билан Голливуд стандарти даражасидаги актрисага айланиши мумкин эди. Аммо ўзини ўзгартириш қизнинг хаёлига келмаган. Соф, мулойим ва фариштадек юз Moретснинг ташриф қоғозига айланди. Ёқимтойлигига қарамай, Хлоенинг ташқи кўриниши ҳайратланарли даражада кўп қиррали: у бошқа дунёдан келган вампир қизлар ва гротеск комикс қаҳрамонлар ролларига ҳам мос келади.
Руни Мара
Триша (актрисанинг асл исми, Руни онасининг фамилияси) табиатан чиройли актриса. Унинг юз хусусиятлари ва бошқалардан ажралиб турадиган кўриниши бор. У жамоатчилик эътиборисиз ёки яхши ролларсиз оддий, ўртача актрисага айланиши мумкин эди, лекин ҳаммаси бошқача бўлди. Унинг юпқа лаблари ва учли бурни гўзаллик меъёрларига тўғри келмаслиги мумкин, аммо уни бутун дунё кино мухлислари яхши кўришади.
“Аждаҳо татуировкали қиз” фильмидаги роли билан актриса дунёга машҳур бўлди. Муваффақиятнинг яна бир тасдиғи сифатида у “Керол” фильми учун “Иккинчи пландаги энг яхши актриса” номинациясида “Оскар” учун номзод бўлди.
Эл Фенинг
Бу қизни Голливуднинг энг машҳур режиссёрлари яхши кўришади. 25 ёшидаёқ у Алехандро Гонсалес Инярритюнинг “Бобил”, Девид Финчернинг “Бенжамин Баттоннинг сирли тарихи”, София Копполанинг “Қаердадир” ва унинг отаси Френсис Форд Коппола суратга олган “Ўртамизда” ва Стивен Спилбергнинг ўзи продюсер бўлган “Супер 8” фильмида суратга тушган.
Унинг энг ёрқин роллари орасида Анжелина Жоли билан бирга ишлаган “Малефисента” фильми алоҳида аҳамиятга эга. Феннингнинг ташқи кўриниши жуда ноаниқ: кичик қийшиқ бурун, шаффоф кўзлар, рангпар тери ва думалоқ, болаларча дўмбоқ ёноқлар. Бироқ буларнинг барчаси ёш америкалик актриса қиёфасида жуда уйғун тарзда бирлаштирилган.
Дакота Фенинг
Кўплаб мукофотлар ғолиби ва Америка киноактёрлари гилдияси мукофотига энг ёш номзод Дакота ҳам синглиси каби ноодатий кўринишга эга. Шунинг учун режиссёрлар уни яхши кўришади, у болалигиданоқ талабгир актриса бўлган.
Дакота ҳамма нарсада ғалати: ташқи кўринишда ҳам, характерида ҳам, туйғуларида ҳам. Бир пайтлар актриса ўзининг севимли ролларидан бири болалигида ижро этган роли эканлигини айтади. 6 ёшида қиз “Тез ёрдам” телесериалида лейкемия билан касалланган автоҳалокат қурбони ролини ўйнаган. Айтганча, бу унинг Голливуддаги ғайриоддий қизнинг шон-шуҳратини оширишни бошлаган дебюти эди.
Изоҳ (0)