Ёз фаслида қуёш нури остида қолишнинг ножўя таъсирлари мавжудлиги ҳақида унутмаслик керак. Ультрабинафша нурларидан ҳимояланиш вақтида тери ўзидан пигмент — меланин ишлаб чиқаради, бу эса унинг қорайишига олиб келади. Қуёшда узоқ қолиш ёш ўтиши билан доғлар, терининг қуриши, кенгайган тешиклар пайдо бўлишига олиб келади, шунингдек, қариш жараёнини тезлаштиради ва меланома хавфини оширади. Бундай жиддий оқибатларга қарамай, кўпчилик SPF ҳимоясини эътиборсиз қолдиришда давом этмоқда. Бунинг сабабларидан бири макияждир. Аммо SPF ва тональ кремни бир нечта қоидаларга риоя қилган ҳолда бирлаштириб фойдаланиш мумкин, деб ёзади The Symbol.
Таркибни тўғри танлаш
Тональ кремни SPF билан биргаликда қўллаш учун уларнинг суюқлигини эътибор билан танлаш лозим. SPF юзда ҳаво ҳам, намлик ҳам ўтмайдиган қатлам ҳосил қилмаслиги керак. Чунки у бир неча соат ичида терида яллиғланишни пайдо қилади, айниқса, иссиқда жуда хавфли. Худди шу нарса тональ крем учун ҳам амал қилади: совуқ мавсум учун зич ва тўқроқ ранглардан фойдаланиш мумкин. Ёзда терида сезилмайдиган ва нафас олишига имкон берадиган енгил суюқлик бўлиши керак.
Терини намлаш
Агар SPF ўзида намлантирувчи ва қуёшдан ҳимоя қилиш функцияларини бирлаштирмаса, ундан аввал, албатта, намлантирувчи суртиш керак. Аниқроғи, бу йил давомида амалга оширилиши керак ва қуёш кремидан фойдаланиш ушбу қоидани бекор қилмайди. Асосийси, намлантирувчи маҳсулот сўрилиши учун ўртада етарлича вақт бўлиши керак. Намлантирувчи қўллангандан кейин тахминан 22-25 дақиқадан сўнг SPF’ни суртиш мумкин.
Шошилмаслик
SPF ва тональ крем билан вазият SPF ва намлантирувчи билан бир хил. Икки воситани дарҳол юз терисига қўллаб бўлмайди: катта эҳтимол билан улар шунчаки суртилади ва тоналсиз ҳамда ультрабинафша нурларидан ҳимоясиз қолиш мумкин. Қуёш креми тўлиқ сўрилишини кутиш ва шундан кейингина тональ кремдан ҳам фойдаланиш керак. Ҳа, бу жуда кўп вақтни олади, аммо натижаси хурсанд қилади.
SPF’ни мунтазам янгилаб туриш
Дерматологлар терини самарали сақлаш учун ҳар 2 соатда SPF’ни қайта қўллашни тавсия қилади. Макияж остида қуёшдан ҳимоя қилувчи кремни қўллаш мумкин эмас. Бу ерда қуёшдан ҳимоя қилувчи упа ёрдам беради. Эрталаб макияждан олдин, ҳимоя даражаси камида 50 бўлган кремни ишлатиш яхшироқ, кейин ҳар икки соатда ҳимояни упани билан янгилаб туриш мумкин. Мутахассислар ультрабинафша нурларидан ҳимоя қилиш ва парваришни бирлаштириш учун минералларга бой маҳсулотларни танлашни тавсия қилади. Ушбу оддий усул макияжни сақлаб қолишга ёрдам беради ва зарарли нурларнинг тери ҳужайраларига кириб боришини олдини олади. Упа рангли ёки бутунлай шаффоф бўлиши мумкин.
Изоҳ (0)