Ҳаммага маълумки, мукаммал юз терисини сақлаб қолиш учун қуёшдан ҳимоя қилувчи кремни ишлатиш ва ҳуснбузарлар пайдо бўлишидан қочиш керак. Шунингдек, терига зарар етказадиган хатолар мавжуд, аммо бу ҳақда кўпчилик билмайди, деб ёзади The Harper’s Bazaar Kazakhstan.
Ҳовузда сузиш
Дерматологларнинг фикрига кўра, сувда бактериялар кўпаймаслиги учун қўшиладиган хлор соч ва терини табиий ёғлардан маҳрум қилиши мумкин. Шунинг учун ҳовузда сузиш вақтини назорат қилиш ва сузгандан кейин юзни яхшилаб ювиш лозим.
Ён томонга қараб ухлаш ажинлар пайдо бўлишига олиб келади
Ажинлар сизни даҳшатга солмаслиги учун ҳар кеча юқорига қараб ёки тез-тез ҳолатни ўзгартириб ётиш тавсия этилади.
Аллергияга қарши дорилар
Баъзи аллергия препаратлари тери муаммоларига олиб келиши мумкин. Шунинг учун дори танлашдан олдин мутахассис билан маслаҳатлашишни унутманг.
Ширинликка бўлган иштиёқ
Агар тез-тез шоколад ва печенье билан чой ичсангиз, бу тери ҳолатига катта таъсир кўрсатиши мумкин. Шакар организмдаги гормонал ўзгаришларни келтириб чиқаради, бу эса коллаген толаларининг шикастланишига олиб келади.
Чекиш
Чекиш нафақат ўпкага, балки терига ҳам зарар етказади. Бу терини эрта қариши билан таҳдид қилади.
Макияжга лак сепиш
Ушбу лайфхак макияжни узоқ вақт ушлаб туриши мумкин, аммо терига зарар етказади. Сочга сепиладиган лакда кимёвий моддалар мавжуд бўлиб, улар терида қичишиш ва қизариш пайдо бўлишига олиб келади.
Макияж билан ухлаш
Кечқурун ювилмаган макияж тери тешикларни ёпади ва яллиғланиш хусусиятини келтириб чиқаради.
Ҳар куни душ қабул қилиш
Бу ерда айтиб ўтиш жоизки, узоқ ва иссиқ душ терининг қуриши ва куйишига ҳам олиб келади.
Кўриш қобилияти ёмон бўлганда ҳам кўзойнак тақмаслик
Кўзойнак тақмасдан доимий кўзни қисиб қараш юзда ажинларнинг пайдо бўлишига олиб келади. Бунинг олдини олиш учун мос келадиган кўзойнак тақиш тавсия этилади.
Самолёт ойнаси ёнидаги ўриндиқ
Баландликда тушадиган қуёш нурлари Ердагига қараганда анча зарарли. Шунинг учун парвоздан олдин SPF қўллашни унутмаслик лозим.
Изоҳ (0)