Бугунги қаҳрамонларнинг чиройли кўринишга эга бўлиши учун катта косметик сумка ва бир неча қатламли макияж керак эмас. Marie Claire нашри табиий кўринишни ва макияж борасида мувозанатни сақловчи машҳур аёллар рўйхатини тақдим этди.
Женнифер Гарнер
Женнифернинг табиий гўзаллик сирларидан бири терини ичкаридан намлаш учун кунига камида 8 стакан сув ичишдир. Иккинчи сир — у ёшлигидан ишлата бошлаган SPF кремлар. Қуёшли Калифорнияда яшаган юлдуз ультрабинафша нурларининг ҳимояланмаган терига агрессив таъсири қаришга бевосита йўл эканини жуда яхши билади.
Кундалик ҳаётда Гарнер деярли косметик маҳсулотлардан деярли фойдаланмайди. Афсуски, Женнифернинг териси муаммоли. Актриса оммавий тадбирлар учун кўпроқ табиийликни акс эттирадиган макияжни қўллайди. Женнифернинг ўзига қўшимча урғу талаб қилмайдиган ёноқ суяклари бор.
Камерон Диас
Кемерон тўғри овқатланиш ва спортни эътиборсиз қолдирмасдан, ҳар томонлама шахсий парваришга риоя қилади. У газланган сув ичмайди ва уй шароитида овқат пиширишни афзал кўрган ҳолда кераксиз овқатдан бутунлай воз кечган. Унинг фикрича, соғлом тана бўянишга муҳтож бўлмаган бенуқсон кўринишнинг калитидир.
Кемерон эрталаб уйғонганида биринчи бўлиб бир стакан сув ичади. Шунингдек, юлдуз ҳар куни эрталаб юзини муз билан артиб, тешикларни беркитмаслик учун енгил текстурали ниқоб суртади. Баъзида у сут кукунини нозик скраб сифатида ишлатишни яхши кўради.
Кундалик ҳаётда Кемерон косметикадан бутунлай воз кечган, аммо тадбирларда у ҳар доим енгил макияж қўллайди. Унинг гўзаллик сири лаб бўёғида, уни нафақат лабларига, балки ёноқларига ҳам суртади. Унинг бу тажрибаси ҳамиша табиий кўринишни таъминлайди.
Шарлиз Терон
Шарлизнинг расмий тадбирлардаги макияжи ҳар доим бошқаларникидан ажралиб туради. Унинг визажистига қойил қолмай иложи йўқ. Тероннинг фикрича, ёшга боғлиқ ўзгаришлар муқаррар ва у фақат тўлиқ уй шароитида парвариш қилиш ва косметологга мунтазам ташриф буюриш ёрдамида терининг нормал ҳолатини сақлаб қолиши мумкин.
Шу билан бирга, Шарлиз ҳар қандай жарроҳлик аралашувлардан ўзини тияди. У ҳар доим кўп босқичли муолажаларни бажариш учун етарли вақтга эга эмас, шунинг учун уй шароитидаги парваришга алоҳида эътибор қаратади.
Шарлиз ҳам кунига 3 литр сув ичишни, ниқобларидан фойдаланишни ва мунтазам равишда машқ қилишни тавсия этади. Аммо унинг иккинчисига алоҳида ёндашуви бор: у спорт стресс эмас, балки фақат қувонч келтириши керак, деб ҳисоблайди. Шарлиз очиқ ҳавода вақт ўтказишни яхши кўради, лекин териси қуруқ бўлганлиги сабабли, у ёзда ҳам, қишда ҳам қаришнинг олдини олиш учун SPF кремларидан фойдаланишга амал қилади.
Кейт Уинслет
Қизил гиламда Кейт кўпинча кўзларга ёки лабларга диққатни қаратиб, эҳтиёткорлик билан макияжда намоён бўлади. Кундалик ҳаётда у деярли бўянмайди ёки косметик воситалардан кўп фойдаланмайди. У юзини фақат совуқ сув билан ювади ва у доимо душни шу билан тугатади. Шундан сўнг у ҳиссий кайфиятини мувозанатлаштириб, дарҳол иссиқ чой ичади.
Актриса, шунингдек, қўллари билан юзига минимал тегинишга ҳаракат қилади. Натижада, унинг териси доимо мукаммал ҳолатда кўринади. Кечаси терини яхшилаб тозалайди ва кейин уни фаол равишда намлайди. Юлдуз, шунингдек, вегетариан парҳезга риоя қилган ҳолда, рационга катта эътибор беради.
Жессика Бил
Жессика гўзалликни икки компонентдан иборат деб ҳисоблайди: генетика ва организмга бўлган муносабат. Шунингдек, у қаришга қарши воситаларни яхши кўради. Жессика кўзлари остидаги қуруқ тери учун у имкон қадар фаол равишда унга ғамхўрлик қилишга ҳаракат қилади.
Одри Тоту
Кўпгина француз аёллари сингари Одри табиийликни афзал кўради. Кундалик ҳаётда у деярли ҳеч қачон бўянмайди, лекин расмий тадбирларда уни тез-тез лабларида ёрқин бўёқ билан кўриш мумкин. Шуниси эътиборга лойиқки, Одри аслида табиий кўринишга эга. Актриса терини парвариш қилишда тониклар ва парвариш кремлари каби асосий маҳсулотларга мурожаат қилади.
Жизел Бюндхен
Жизел 41 ёшида ҳам ажойиб кўринишга эга. Унинг ёшлигининг сири овқатланиш, кундалик машқлар ва кўп босқичли терини парвариш қилиш комбинациясида. Жизел тонгни ишқорий даражасини мувозанатлаш ва овқат ҳазм қилиш тизимини ишга тушириш учун лимон шарбати билан бир стакан илиқ сув ичишдан бошлайди. Кун давомида у мавсумий сабзавот ва меваларга эътибор қаратиб, рационни диққат билан кузатиб боради. Кўпинча у фақат киприкларини бўяш ва лабларига шаффоф бўёқни қўллаши мумкин.
Изоҳ (0)