Машҳур кишиларнинг сўнгги истаклари ва ўлими олдидан васиятномасида нималар ёзилгани ҳақида маълумот берамиз.
Мерилин Монро
1950 йилларнинг машҳур актрисаси Мерилин Монронинг юраги 1962 йил 4 августда уришдан тўхтайди. Ўшанда у 36 ёшда эди. Бироқ у ўлими яқинлашаётганини сезгандай барча нарсаларини акйторлик маҳорати бўича мураббийи Ли Страсбергга васият қилади.
Лининг ўлимидан сўнг, унинг рафиқаси Монронинг меросини кимошди савдосига қўйиб, бу нарсалардан тахминан 20 миллион доллар ишлаб олади. Мисол учун, юлдуз АҚШнинг 35-президенти Жон Кеннедининг туғилган кунида кийган либоси бир миллион долларга сотилади.
Чарли Чаплин
Чарли Чаплин ўлимидан кейин ҳам ҳазил қилишни давом эттиради. Киноюлдуз муштуг (трубка)дан олтита тутун ҳалқасини пуфлаб, еттинчисини шу ҳалқалар орасидан ўтказа олган одамга бир миллион доллар беришни васият қилган.
Чаплин кашанда бўлган ва бундай ишни амалга ошириш мумкин эмаслигини биларди. Ҳозиргача мукофот пули учун ҳаракат қилаётганлар бор, аммо барчаси бефойда.
“Биз ҳаммамиз сайёҳлармиз, Худо турагентимиз, у борадиган жояримиз ва йўналишларимизни аллақачон белгилаб қўйган. Унга ишонинг ва ҳаётдан завқланинг. Ҳаёт шунчаки саёҳат! Бугун билан яшанг! Эртанги кун келмаслиги мумкин”, дейди у.
Карл Лагерфелд
Немис моделери 2019 йилнинг февраль ойида ошқозоности бези саратонидан вафот этди. Лагерфелд ҳеч қачон фарзанд кўрмаган ва турмуш қуришга журъат этмаган, шунинг учун у барча энг қимматли нарсаларни севимли жонивори — Шупетт лақабли мушугига васият қилган. Ҳаёти давомида у мушуги учун шахсий самолёт сотиб олади, унга иккита хизматкор ёллайди ва у ҳақида бутун бошли китоб ёзади. Эгасининг ўлимидан сўнг, Шупетт 200 миллион еврога эга бўлади.
Опра Уинфри
Ҳозирда Опранинг аҳволи яхши бўлса-да, америкалик телебошловчи ва журналист аллақачон васиятнома тайёрлаб қўйган. У биринчи фарзандини йўқотганидан кейин (у 14 ёшида фарзандли бўлади, лекин чақалоқ тез орада вафот этади) қайта фарзандли бўлишга журъат эта олмайди. Бунинг ўрнига юлдуз уй ҳайвонлари боқиб олади. Унинг бир нечта голден-ретривер ва спаниэл зотли итлари бор, улар баъзи инсонлардан ҳам яхшироқ ҳаёт кечиради.
Мисол учун, Уинфри жониворлари учун фонд очган — уларнинг ҳар бирига 30 миллион доллар тўланади.
Марк Грюнвалд
Марк Грюнвалд Marvel оламининг комикслар муаллифи бўлган, шунингдек, “Капитан Америка”, “Қасоскорлар” ва “Тор”нинг рассоми ва муҳаррири бўлган. У 42 ёшида 1996 йилда юрак хуружидан вафот этади. Умрининг охиригача ўзини ишга бағишлаган Марк шундай илтимосни қолдиради — унинг ҳокини сиёҳ билан аралаштириб, шу сиёҳда комикслар чоп этишни васият қилади.
Грюнвалднинг рафиқаси Кетрин Шуллер эрининг сўнгги истагини амалга оширади ва муаллифнинг кули Squadron Supreme антологиясининг қайта нашр этилган версиясида ишлатилади.
Ким Кардашьян
Машҳур модель ҳам Опра Уинфри каби олдиндан васиятнома ёзиб қолдиган. Forbes маълумотларига кўра, жорий йилнинг апрель ойида Кардашьян машҳур миллиардерлар рўйхатида 1,7 миллиард доллар даромади билан олтинчи ўринни эгаллади. Васиятномада пул ҳақида ҳеч нарса айтилмаган, гарчи Кимнинг собиқ эри, рэпер Канье Уэстдан тўртта меросхўри бўлса ҳам.
Васиятномада унинг ташқи кўринишига ғамхўрлик қилиш ёзилган. Ҳужжатда у ўлган тақдирда қандай макияж қилиниши кераклигини, тирноқларига қандай лак суриш ва сочларини қандай турмаклаш лозимлиги айтилган.
Элизабет Тейлор
Голливуд қироличаси ва учта “Оскар” мукофоти совриндори Элизабет Тейлор васиятномасида мол-мулк ҳақида эмас, балки видолашув маросими қандай ўтказилиши ҳақида ёзилган. Актриса ҳаётлигида учрашув ва суратга тушиш ишларига доим кечикиб келганлиги сабабли дафн маросимида ҳам бу одатидан воз кеча олмайди.
У васиятномасида дафн маросимига режалаштирилганидан 15 дақиқа кечроқ олиб келинишини сўрайди.
Фредерик Бор
Бор америкалик кимёгар муҳандис. Аммо у Pringles чипслари сабаб машҳур бўлиб кетади. Олим чипсларни суйри шаклда ишлаб чиқаришни ўйлаб топган. Шунингдек, у қуруқ музқаймоқни ҳам ихтиро қилган.
Чипслар даҳоси 2008 йилнинг баҳорида вафот этади. Ўлимидан бир кун олдин у фарзандларига сўнгги орзуси — кулини Pringles идишига солиб қўйиш ҳақида гапиради.
Дафн маросимидан сўнг Борнинг тўнғич ўғли Ларри журналистларга идиш танлаш қийин бўлганини айтади, чунки отаси ҳокини қайси таъмли чипс идишига солиш кераклигини аниқ айтмаган.
Изоҳ (0)