Голливуд юлдузларига икки томчи сувдек ўхшайдиган оддий одамлар (фото)

Қиёфадош инсонларнинг борлигига ишонмайсизми? Ҳаётда бундай ҳолатларга ҳам дуч келиш мумкин, ҳаттоки дунё бўйлаб машҳурликка эришган актёрлар орасида ҳам бир-бирига икки томчи сувдек ўхшашлари бор.

Селена Гомес ва София Соларес

София Соларес Мексикада яшайди. Бир куни у нафақат таниқли актриса, балки хонанда Селена Гомесга жуда ўхшаш эканлигини тушуниб қолади. Софиянинг машҳурлиги ошганидан сўнг, ҳатто мухлислари пайдо бўла бошлайди.

Ариана Гранде ва Пейж Ниманн

Пейж Ниманн блогер бўлгунга қадар оддий мактаб ўқувчиси эди. Пейжнинг сўзларига кўра, унинг Арианага ўхшашини айтишганда жуда хурсанд бўлади. Чунки Ниманн Грандени ақл бовар қилмайдиган даражада гўзал қиз деб билади.

Женнифер Лопес ва Женис Гарай

Женис Гарай ҳаётини бодибилдингга бағишлаган ва уни Женнифер Лопес билан таққослашади. У ҳатто ўзини “Хюстонлик Жей” деб атайди. Женнифер ва Женис ҳақиқатан ҳам бир-бирига ўхшаш бўлишига қарамай, Лопес бунга муносабат билдирмаган, ҳатто қиз ҳақида билиши ҳам даргумон.

Леонардо Ди Каприо ва Конрад Анернуд

Кўпчилик Леонардо Ди Каприонинг соч турмаги, юз ифодалари, ҳаракатлари, кийими ва нутқ услубидан нусха кўчиришга ҳаракат қилган, аммо ҳеч ким оддий бармен бўлиб ишлайдиган 20 ёшли швед Конрад Аннеруд каби машҳур актёрга ўхшамайди. Ташқи кўриниши Ди Каприога ўхшашлиги туфайли у ўз шаҳрининг энг машҳур одамларидан бири.

Леонардо Ди Каприо ва Роман Бурцев

Аслида Конрад Лео билан ўхшашлиги билан мақтана оладиган ягона одам эмас. Подолсклик Роман Бурцев интернетда машҳур бўлиб кетгандан сўнг, қутқарув хизматидаги ишини ташлаб, корпоратив тадбирлар ва турли шоуларда суратга туша бошлайди. Бироқ йиллар ўтиб Роман машҳурлигини йўқотганини тан олади, чунки бир вақтлар у қизиқарли таклифларни рад этган. Унинг сўзларига кўра, агар вақтни орқага қайтариш имкони бўлса, ҳаммасини ўзгартирарди.

Бред Питт ва Натан Мидс

Нейтан Мидс кичик инглиз шаҳарчасида йўл ишчиси бўлиб ишлайди. У 30 ёшга тўлганидан сўнг, кўчада одамлар мунтазам равишда олдига келиб, бирга суратга тушишни сўрашади ва “Етти” ва “Троя” фильмларидаги роли ҳақида гапиришади. Шу билан бирга, Нейтан нега Бред Питт билан адаштиришларини ҳали ҳам тушунмайди, чунки унинг ўзи ҳеч қандай ўхшашликни кўрмайди.

Эмма Уоцон ва Меган Флокхарт

Меган Флокхартнинг айтишича, у деярли ҳар қандай актрисага ўхшайди. Бироқ Эмма Уоцоннинг мухлислари бунинг аксини айтишади — у фақат “Гарри Поттер” юлдузига ўхшайди. Бироқ Меган бунинг аксини исботлашга ҳаракат қилмоқда — у макияж ёрдамида бемалол бошқа актрисага ҳам ўхшашини намойиш қилади.

Анжелина Жоли ва Челси Марр

Дастлаб Челси Марр ёш Анжелина Жолига ўхшатишганидан хурсанд бўлади, чунки ҳар ким ҳам шундай омадли бўла олмайди. Аммо кейинроқ Челси бундай машҳурлик унга фақат зарар етказганини тан олади. У моделлик соҳасида ишлаганлиги сабабли танқидга учрайди, чунки кўпчилик у Жоли қиёфасидан нусха кўчиряпти, деб ҳисоблайди. Бундан ташқари, Маррнинг ақлдан озган фанатлари кўпаяди — у ҳатто машҳур актрисага ўхшамаслик учун сочларини бўяшни ва имижини тубдан ўзгартиришни хоҳлайди.

Леди Гага ва Аметист Роуз

Аммо Аметист Роуз аксинча “Юлдуз туғилди” ва “Гуччи уйи” фильмлари, шунингдек, “Америкача даҳшат ҳикоялар” телесериали билан танилган Леди Гагага ўхшаши билан фахрланади. Бундан ташқари, Аметист Леди Гагага кўпроқ ўхшашга ҳаракат қилади. Шунинг учун у доимо хонанда каби расмга тушади ва мухлислар билан баҳам кўради.

Дениел Редклифф ва Николай

Баъзи Красноярск аҳолиси Дениел Редклиффнинг ўзи ҳеч нарса бўлмагандек, бозорларда, кўчаларда юрганидан ҳайрон бўлишади. Уни кўпинча Дениел билан адаштиришади ва бир неча бор у билан инглиз тилида гаплашишга ҳаракат қилишган. Йигитнинг айтишича, бу фақат кичик бир камчилик, чунки бошқа барча жиҳатларда Гарри Поттернинг катта мухлиси бўлган Николай мамнун. Қизиғи шундаки, бир пайтлар россиялик “эгизаги” ҳақидаги маълумот Дэниэл Редклиффнинг ўзига ҳам етиб борган ва у шоколад ишлаб чиқариш соҳасида ишлаётган йигитга ҳеч қачон актёр бўлмасликни маслаҳат берган.