Пинар Дениз ва Каан Йилдирим турмуш қурди, Афра ва Мерт яна ярашди: Турк актёрлари ҳаётида нима гап?

15 сентябрь куни Пинар Дениз ва Каан Йилдирим Италияга учиб кетишди, у ерда уларнинг никоҳ маросими бўлиб ўтади.

Афра Сарачоғлу ва Мерт Рамазон Демир ярашди

“Қўрғон сирлари” сериалининг бош актёрлари — Афра Сарачоғлу ва Мерт Рамазон Демир сўнгги маълумотларга кўра яна ярашишди. Севишганлар ўртасида чет элда таътил қилгандан кейин келишмовчиликлар юзага келган. Бутун ёз давомида актёрлар учрашмаган, ҳатто Мерт Рамазон ажралиш ҳақидаги миш-мишларни тасдиқлаганди. Сериалдаги ҳамкасблари Берил Позам ва Эрсин Арижининг тўйида ҳам улар бир-биридан узоқроқ бўлишга ҳаракат қилган.

Пинар Дениз ва Каан Йилдирим турмуш қуришди

15-сентябрь куни Пинар Дениз ва Каан Йилдирим Италияга учиб кетишди, у ерда уларнинг никоҳ маросими бўлиб ўтиши режалаштирилган эди.

Уларнинг тўйи 17 сентябрь куни Римдаги Бош консулликда бўлиб ўтиши белгиланган эди.

Пинар Дениз ва Каан Йилдирим тўй олдидан Миландан бирга қўл ушлаган ҳолда тушган суратларини ижтимоий тармоқларда бўлишиб, ўз бахтларини мухлислари билан баҳам кўришди. Каан Йилдиримнинг синглиси Нилуфер Йилдирим тўй маросими ўтаётган жойдан уларнинг қўл ушлаган суратини ўз обуначилари билан бўлишди.

Юлдузли жуфтлик икки йил давом этган муносабатларини никоҳ билан мустаҳкамлади. Севишганлар доимий равишда ўзларининг биргаликдаги суратларини ижтимоий тармоқларда улашиб, ўз обуначиларини хурсанд қилиб келишган.

Никоҳ маросимидан олдин Пинар Денизнинг опаси Хури ижтимоий тармоқдаги саҳифасида актрисанинг макияж лаҳзасини жойлаштирди.

Кейин никоҳ маросими бўлиб ўтди. Пинар Дениз ва Каан Йилдирим Римда камтаргина тўй қилиб, турмуш қуришди. Ушбу ўзига хос кунда Пинар Вивен Вествуднинг тўй либосини, Каан эса Том Форднинг костюмини кийган эди.

Куёв ва келин тўйдан сўнг бу махсус кунни яқин дўстлари билан кечки овқатда нишонлашди.

Тўй маросимидан суратлар ҳам пайдо бўлди.

Башар Дизер таътилдан олинган суратлар билан бўлишди

Ёзнинг сўнгги кунларида Киванч Татлитуғнинг рафиқаси Башар Дизер Татлитуг ўзининг ижтимоий тармоқлардаги аккаунтида Маратхи оролидаги дам олиш кунларидан суратлар билан бўлишди, у ерда улар дўстлари билан бирга ҳордиқ чиқарган.

Бу жойда турдизининг машҳур юлдузлари йиғилишди: Серкан Кескин, Ўзге Ўзпиринжи, Бурак Ямантюрк, Наил Гененли, Биркан Сокуллу ва унинг севгилиси Эда Гуркайнак.

Пелин Акилнинг танқидларга жавоби

Сериалнинг бош қаҳрамонлари Сейран ва Феритга партнёр сифатида Жем Соктут ва Пелин Акилнинг қўшилиши “Қўрғон сирлари” сериали сценарийсига киритилган катта ўзгаришлардан бири бўлди.

Янги мавсумнинг биринчи қисмида Дияр образида пайдо бўлган Пелин Акил тез орада сериал мухлисларининг танқидига учради.

Ёши фарқи ҳақидаги эътирозлар билдирилгач, актриса янги баёнот берди: 

“Бу ерда ҳеч қандай ёмон нарса йўқ. Унинг Феритни тартибга соладиган тақдири бор, бу нарса уни янада жиддийроқ қилади. Кўп турли хил воқеалар бўлади. Келинг, яхшиси бирга кузатайлик”.

Олдинги мавсумларда Бусе Буз Каҳрамон (Пелин) танқид остида бўлган бўлса, бу мавсумда Пелин Акил шу ҳолатга тушди.

Негативлар остида қолган актриса шундай дейди: “Бу бир ҳикоя, сценарий. Мен ҳам актрисаман. Биз сизни жуда яхши кўрамиз, биз ўз ишимизни қиляпмиз холос. Буни жуда жиддий қабул қилманг. Мен бундай нарсани ҳеч қачон кутмагандим”.