Тен — фойдаланиш етарлича қийин косметик маҳсулот ҳисобланади. Қуйидаги тавсияларга амал қилсангиз, бу борада муаммоларга дуч келмайсиз.
Рангларни уйғунлаштиринг
Кўзни бўяшни бошлашдан олдин, тери рангини уйғунлаштириш керак. Кўпинча қовоқларда капилляр томирлар ёки бироз кўкариш кўриниб қолади. Ушбу камчиликлар пардозни бузмаслиги учун оддий тональ кремдан фойдаланиш мумкин. Муҳими, кремни ҳаддан ташқари кўп суртмаслик керак — ҳаракатланувчи кўз қовоғи учун кремнинг бир кичик томчиси етади.
Базадан фойдаланинг
Макияжда қандай тенлардан фойдаланганингиз муҳим эмас, уларнинг остида қандай база борлиги муҳим. Яхши база ҳатто энг арзон тенларни ҳам ушлаб туради. Тональ кремни қўллаганингиздан сўнг дарҳол база ишлатиш керак, қовоқларни тери рангига мослаштиринг.
Кремльи тен сотиб олинг
Кўпчилик кремли тен ишлатмайди, аммо улар бошқаларга қараганда анча узоқроқ туради. Бундан ташқари, кремли тенда оддий тендаги каби тўкилиш муаммоси бўлмайди.
Улардан асос сифатида фойдаланиш мумкин. Ҳаракатланувчи кўз қовоғининг бутун бўшлиғини керакли тен билан тўлдиринг — ташқи бурчакларни қуюқроқ ранг билан, ички бурчакларни эса енгил ранг билан таъкидланг.
Кремли тен чўткадан кўра бармоқ учларида яхши суртилади. Гап шундаки, қўлларнинг иссиқлиги маҳсулотни иситади ва унинг «очилиши»га ёрдам беради — бунинг натижасида тен текисроқ қўлланилади ва суркалиб кетмайди.
Кўз остига пудра ишлатинг
Тендан фойдаланишдан олдин, консилер ёрдамида кўз остини тайёрланг, сўнгра пудрани қалин қилиб суртинг. Агар пудра ишлацангиз, майдаланган тенларни кукун билан бирга юмшоқ чўтка билан осонгина олиб ташлаш мумкин.
Тен рангини тўғри танланг
Тен рангини кўз рангига қараб эмас, балки ташқи кўринишингизга қараб танлаган маъқул — шунда макияж янада мукаммал кўринади.
Оқ (марваридранг) тенлардан фойдаланинг
Кўпгина қизлар марваридранг тенларидан қочади — ёрқин ранглар ҳам арсеналингизда бўлиши керак. Бундай тенлар ёрдамида кўзнинг ички бурчагини таъкидлаш мумкин. Бундан ташқари, уларни қош остидаги соҳада ҳам қўлласа бўлади.
Кўз шакли билан ишланг
Агар табиат чиройли кўзлар билан мукофотламаган бўлса, бунга макияж ёрдамида осонгина эришиш мумкин. Тенлар бу масалада энг яхши восита.
Ўртача рангдаги тенлар ёрдамида бир оз осилган юқори кўз қовоғини бўянг, юқори ва ҳаракатланувчи кўз қовоқлари орасидаги бурмани тўқ рангдаги тен билан яширинг.
Агар кўзларингиз ораси кенг бўлса, унда қовоқнинг чегарасидан ташқарига чиқмасдан, кўзларнинг ташқи бурчакларини қорайтириш керак. Яъни ҳаракатланувчи кўз қовоғининг ўртасидан ташқи четига қадар жилосиз ёки ёрқин рангдаги тенлар билан қорайтиринг, аммо кўз четига стрелка чизманг.
Теннинг камида учта рангидан фойдаланинг
Энг оддий макияж ҳам уч босқичда амалга оширилади:
- Биринчидан, ҳаракатланувчи кўз қовоғига очроқ тен қўлланг, уни тўқ рангдаги тенлар билан тўлдиринг.
- Кўзнинг ташқи бурчакларини энг қуюқ рангдаги тен билан таъкидланг. Бундан ташқари, пастки қовоқ, шунингдек, юқори кўз қовоқлари орасидаги бурма учун ҳам шу рангдан фойдаланиш мумкин.
- Кўзнинг ички бурчагини энг енгил рангдаги тен билан таъкидланг.
Изоҳ (0)