Маҳоратда Голливуд юлдузлари билан беллаша оладиган мафтункор ҳинд актрисалари (фото)

Болливуд актрисалари йилдан йилга кўпайиб бормоқда: Айшваря Рай Каннда Голливуд актрисаларини ҳам ўзига қаратади, Приянка Чопра эса машҳур фильмларда бош қаҳрамон ролини ўйнайди. Қуйида ҳинд актрисалари бутун дунёни қайси жиҳати билан мафтун қилгани ҳақида маълумот берамиз.

Приянка Чопра

Болливуд актрисасининг машҳурлиги 2017 йилда бутун дунё Меган Марклнинг яқин дўсти эканлигини билганидан сўнг кескин кўтарилди. Аммо Приянка Чопранинг бу дўстликсиз ҳам мақтана оладиган жиҳатлари кўп.

Масалан, 2017 йилда Ҳиндистоннинг энг гўзал актрисаларидан бири ва “Дунё гўзали—2000” машҳур “Malibu қутқарувчилари” фильмининг ремейкини тақдим этди. Фильм актрисанинг 50-лойиҳасига айланди. Бу Приянкага Аишваря Рай билан бир қаторда туришга ва бутун дунё олдида Болливуд ва Жанубий Осиё гўзаллик анъаналарининг ҳақиқий элчиси сифатида пайдо бўлишига имкон берди.

Ҳар қандай ҳинд аёли сингари Приянка ҳам ўзининг табиий гўзаллигини ёрқин макияж ва кийиниш услуби билан таъкидлайди. Болливуд актрисалари образини танитишга нафақат дизайнерлик кийимлари, балки жамиятга турли хизматлар (асосан хайрия) ёрдам беради. Бунинг ажабланарли жойи йўқ: аксарият ҳинд юлдузлари камбағал оилалардан чиққан, шунинг учун филантроп бўлиш деярли шарт бўлган қоида. Масалан, Приянка CАF хайрия жамғармаси ва Ҳиндистон саноат конфедерациясининг яхши ният элчиси бўлди (саводсизликка қарши кураш дастурларини назорат қилади). Бундан ташқари, Приянка нафақат актриса, балки модел ва қўшиқчи сифатида ҳам фаолият олиб боради. Бундай кўп қирралилик, албатта, дунёнинг кўплаб машҳурларига хосдир, лекин Болливуд юлдузлари учун бу шарт бўлган жиҳат ҳисобланади.

Айшваря Рай

Аишваря Рай Ҳиндистондаги энг машҳур шахслардан бири ҳисобланади. Бир вақтлар Приянка Чопра сингари у ҳам “Дунё гўзали” бўлган ва архитектура факультетидаги ўқишни ташлаб, моделликка ўтган. У ёшлигидаёқ Vogue журнали ва Pepsi билан ҳамкорлик қилишга муваффақ бўлади.

Айшвария актриса сифатида Болливудда эмас, балки Колливудда (Ҳиндистон жанубидаги яна бир машҳур туман) иш бошлаган. Ҳозирда унинг фильмографиясида 45 дан ортиқ фильм бор, у нафақат ўз ватанида, балки Голливудда ҳам талабгир актриса ҳисобланади. Айшвария асосан ҳинд фильмларида ўйнайди, лекин биз уни “Зираворлар маликаси” ва “Пушти пантера-2” каби фильмлардан биламиз. Бундан ташқари, актриса хайрия ишларида фаол иштирок этади: у ҳайвонларни ҳимоя қилиш ташкилоти PETА’ни қўллаб-қувватлайди, Ҳиндистонда кўзи ожизларга ёрдам беради. 2004 йилда эса камбағалларга ёрдам берадиган шахсий Аишваря Раи жамғармасига асос солган.

Анушка Шарма

Анушка Шарма Ҳиндистондаги энг машҳур ва юқори гонорар тўланадиган актрисалардан биридир. Қиз ҳали жаҳон саҳнасида ўзини кўрсатишга улгурмади, лекин Ҳиндистоннинг Оскар билан таққосланадиган Filmfare мукофоти билан тақдирланган. Анушка ҳарбий оилада туғилган ва кўплаб ҳамкасбларидан фарқли ўлароқ, у модел бўлиб ишлаган бўлса ҳам таълим олишга муваффақ бўлган.

Унинг актриса сифатидаги фаолияти бор-йўғи 10 йил давом этди — шу вақт ичида у ўзини турли жанрларда синаб кўрди: романтик комедиялардан психологик триллерларгача. Айшвария Рай сингари Анушка ҳам PETА ташаббусларида фаол иштирок этади, бунинг учун ташкилот 2017 йилда унга “Йил одами” унвонини тантанали равишда топширган.

Дипика Падуконе

Дипика Падуконе 2008 йилда “Энг яхши дебют номинацияси” бўйича Filmfare мукофотини олганидан сўнг, унинг жавонидаги барча турдаги ҳайкалчалар сони кескин ўсишни бошлади. Асли даниялик бўлган Дипика болалигида оиласи билан Ҳиндистонга кўчиб келган ва 20 ёшидан бошлаб Marie Claire, Vogue, Cosmopolitan, GQ ва бошқа кўплаб журналларда модел сифатида ишлай бошлаган. Унинг ҳинд тилидаги фильмлари рўйхати жуда катта.

2017 йил охирида актриса Деҳли султони Алауддин Муҳаммад Шоҳни севиб қолган қирол Ратна Сингх ва унинг рафиқаси ҳақидаги афсонага асосланган “Падмавати” фильмини ҳам тақдим этиши керак эди, аммо афсуски фильм номаълум сабабларга кўра экранларга чиқмайди. Маҳаллий радикаллар фильмни ҳиндлар учун ҳақорат сифатида кўришади (баъзилари ҳатто Дипиканинг боши учун мукофот эълон қилишди). Картинанинг Ҳиндистондаги премьераси қолдирилади, аммо Дипиканинг ўзи фильмни имкон қадар тезроқ чиқаришни талаб қилишда давом этди — 2018 йилда фильм премьераси бўлиб ўтади.

Албатта, бу Болливуд юлдузининг ҳам ўзининг хайрия жамғармаси бор — Live Love Laugh Foundation одамларга руҳий тушкунлик билан курашишда ёрдам беради.

Фрида Пинто

Балки Болливуд актрисалари ичида энг “Голливуд”и бўлган Фрида Пинто ҳамкасблари каби 50 та фильмдан иборат рўйхат билан ҳали мақтана олмас. Аммо унинг кичик фильмографиясида дунёга машҳур “Харобадан чиққан миллионер”, “Маймунлар сайёрасининг юксалиши”, “Худолар уруши: боқийлар” каби дунёга машҳур картиналар мавжуд.

Актриса инглиз тилини яхши билади ва инглиз адабиёти бўйича бакалавр даражасига эга.

Сонам Капур

Сонам — Ҳиндистонда ҳурматга сазовор бўлган Капур актёрлар сулоласининг вакили. Сонам нафақат истеъдоди, балки ўзгача кийиниш қобилияти билан ҳам бутун дунёни ўзига қаратади. Қизни АҚШда шунчалик яхши кўришадики, ҳатто қўшиқчи Бейонсе ҳам уни Hymn for the Weekend клипида суратга тушишга таклиф қилган.