Ҳар бир аёл кун бўйи макияжининг чиройли ва янгидек кўринишини хоҳлайди. Аммо энг яхши косметика маҳсулотлари ҳам баъзан кутилган натижани бермайди, айниқса уларни тўғри қўллаш сирларини билмасангиз. Аслида эса, оддий, аммо самарали усуллар бор. Улар сизнинг макияжингизни узоқ вақт давомида янги кўринишда сақлайди. Қуйидаги ноодатий, аммо фойдали маслаҳатлар ҳатто визажистлар орасида ҳам кам танилган.
Юздаги шишни бартараф этиш
Агар эрталаб юзингиз бир оз шишган бўлса ваҳимага тушманг. Оддий ва самарали усул — совитилган металл қошиқ. Уни бир неча дақиқа совиткичга қўйинг, сўнгра кўз ости, ёноқ ва бурун атрофидаги жойларга аста босиб туринг.
Совуқ металл қон томирларини торайтиради, шишни камайтиради ва терини янгилаб, макияжга тайёрлайди. Айниқса, кам ухлаган кеча учун фойдали.
Лабларни намлантириш
Чиройли ва узоқ сақланадиган лаб бўёғи учун лаблар парваришланган бўлиши керак. Помада ёки қалам суртишдан олдин, лабга 10–15 дақиқа олдин намлантирувчи балзам ёки крем суртинг. Сўнг салфетка билан ортиғини артиб ташланг. Бу усул лабларни қуришдан сақлайди ва лаб бўёғи янада текис ва бардавом бўлади. Айниқса, мат помадалар учун жуда муҳим.
Фиксаторни макияждан олдин ишлатинг
Фиксатор спрей фақат охирги босқич учун эмас — уни макияждан олдин ишлатиш ҳам фойдали. У юпқа қатлам ҳосил қилиб, косметика терига яхшироқ ёпишади ва узоқроқ сақланади. Иссиқ об-ҳавода ёки ёғли тери эгалари учун айниқса фойдали. Табиий кўриниш учун намловчи спрей, ёғли тери учун эса мат эффектли спрейни танланг.
Тонал кремга праймер қўшинг
Агар тонал крем сизга тўғри келмаса — масалан, у тез йўқолади ёки терини қуритади. Унга озгина праймер қўшиб аралаштиринг. Бу уни янада бардавом ва текис қилади, терига яхши суртилади ва “ниқоб” эффекти бўлмайди. Айниқса, қуруқ ёки аралаш тери эгалари учун фойдали.
Кўз қаламини тен билан мустаҳкамланг
Кўз қаламининг кун давомида ўчиб кетмаслиги учун, уни суртгач, устидан худди шу рангдаги мат тен билан енгил ёпинг. Бу кичик қатлам қаламнинг “оқиб кетишига” йўл қўймайди. Иссиқ кунларда ёки ёғли тери учун айниқса фойдали усул.
Киприкларга тушдан олдин кукун суртинг
Агар туш узоқ сақланишини ва кўп, дона-дона кўринишини истасангиз, киприкларга озгина упа сепинг. Бу тушга ёпишадиган асос яратади ва ҳажмни оширади. Айниқса, ингичка киприклар учун фойдали.
Румянани тонал крем остига суртинг
Юзингизда табиий қизаришни яратиш учун янги усулни синаб кўринг. Аввал румянани суртинг, кейин эса тонал крем. Бу усул ички ёритишни яратиб, гўё тери ўз-ўзидан енгил қизаришни таратиб туради.
Крем тенлардан асос сифатида фойдаланинг
Крем текстурали тенлар — қуруқ тенлар учун ажойиб асос. Улар теннинг ўчишини камайтиради, рангини ёрқинлаштиради ва мустаҳкамлайди. Крем тенни кўз қовоғига суртинг ва бармоқ билан енгил тарқатинг.
Тонал кремни нам чўтка билан суртинг
Тонал кремни нам чўтка билан сурцангиз, у терига янада яхши суртилади ва текис таъсир қилади. Чўткани сув ёки фиксатор билан озгина ҳўлланг, сўнг кремни юзга суртинг. Бу усул тери билан яхшироқ уйғунлашади ва бардавомликни оширади.
Макияж устидан салфетка билан босиб чиқинг
Макияждан сўнг, юзингизни юпқа, силлиқ салфетка билан енгил босиб чиқинг. Бу ортиқча ёғ ва маҳсулотни олиб ташлаб, макияжингизни янада табиий ва енгил қилади. Салфеткани икки қаватга ажратинг ва юзга енгил босиб туринг.
Изоҳ (0)