Мамлакат жорий йил июнь ойида 9 тонна олтин сотиб олиб, жаҳонда биринчи ўринни эгаллади. Бу ҳақда Жаҳон олтин кенгаши маълум қилди.
2025 йил июнь ойида дунё марказий банклари жами 22 тонна олтин сотиб олган. Бу кетма-кет учинчи ойда ойлик асосда талабнинг бир оз ортганини англатади.
Июнда энг катта олтин харидори — Ўзбекистон бўлган (9 тонна). Мамлакат тўрт ой давом этган “сотув режимидан” чиқиб, яна олтин жамғаришни бошлаган.
Қозоғистон ҳам 7 тонна сотиб олиб, иккинчи энг йирик харидор давлатга айланган. Шу билан бирга, Хитой, Туркия, Чехия 2 тоннадан олтин сотиб олган. Гана, Қатар, Филиппин, Қирғизистон эса ҳар бири 1 тоннадан қимматбаҳо металл харидини амалга оширган.
Июнь ойида олтиннинг ягона йирик сотувчиси Сингапур бўлиб, мамлакат 6 тонна олтин сотган.
Жорий йил бошидан бери марказий банклар томонидан жами 123 тонна олтин харид қилинган. Бу ўтган йилги кўрсаткичдан (130 тонна) бир оз кам, лекин жиддий рақам. Бу даврда қуйидаги давлатлар олтин харид қилиш бўйича етакчи бўлди:
- Польша — 67 тонна;
- Озарбайжон — 35 тонна;
- Қозоғистон — 22 тонна.
Ўзбекистон биринчи ярим йилликда 18 тоннага яқин қимматбаҳо металл сотиб, савдо ҳажми бўйича йил бошидан бери етакчилик қилмоқда. Олти ой ичида Сингапур 16 тонна олтин сотиб, иккинчиликни банд қилган. Учинчи ва тўртинчи ўринларни катта фарқ билан Россия ва Германия эгаллаган.
Изоҳ (0)