Ёзда ҳаддан ташқари терлаш туфайли косметика осонгина бўялиб кетиши мумкин, натижада кун бўйи кайфият бузилади. Аммо буни бир нечта муҳим қоидаларга риоя қилиш орқали бундай ҳолатнинг олдини олиш мумкин.
Доим праймердан фойдаланинг
Праймер иссиқ кунда юз учун ҳақиқий нажотдир. Терида зич қатлам яратмайди ва ноқулайлик туғдирмайди, лекин макияж муддатини сезиларли даражада узайтиради. Ушбу гўзаллик маҳсулоти косметиканинг оқиб кетишини камайтиради.
Косметика миқдорини камайтиринг
Жуда иссиқ кунларда макияжни минимал даражага туширишга ҳаракат қилинг, айниқса, кун давомида пардозни янгилашга имкон бўлмаса. Юздаги камчиликларни яшириш учун SPF ва консилерли крем билан чекланишингиз мумкин.
Пудрали бронзердан фойдаланинг
Ёзда кукун шаклида гўзаллик маҳсулотларига устунлик берган маъқул — улар иссиқ ҳавода оқиб кетмайди.
Ҳайлайтер ишлатманг
Кўп қизлар ҳайлайтер ёрдамида эътиборни жалб қилишни яхши кўрадилар, аммо ташқарида 30 даража иссиқ бўлса, бу фикрдан воз кечган маъқул, айниқса юз терингиз ёғли бўлса. Себум ишлаб чиқарилиши туфайли терингиз иссиқда шундоқ ҳам ялтирайди.
Сумкангизда нам салфеткалар бўлсин
Ёғли терига эга бўлганлар бу маҳсулотни албатта қадрлашади. Нам салфеткалар теридаги ортиқча ёғ ва терни бир зумда ўзлаштиради, энг муҳими пардозни бўяб юбормайди.
Изоҳ (0)