Кўзимиз ҳаётимиздаги энг қадрли неъматлардан бири. Аммо кўпчилик уларнинг саломатлигини эътиборсиз қолдириб, оддий кундалик одатлари орқали кўриш қобилиятини аста-секин ёмонлаштиради. Ушбу мақолада кўзингизга зарар етказиши мумкин бўлган 5 асосий одатни аниқлаймиз ва уларни қандай бартараф этиш мумкинлигини кўриб чиқамиз.
1. Экран қаршисида узоқ вақт ўтказиш
Компьютерда ишлаш, гаджетлардан фойдаланиш, турли ёзишмалар, кечки вақтда сериал кўриш — буларнинг бари бир кунда ўртача 10–12 соат вақтимизни олади. Кўзнинг доимий зўриқиши қуруқ кўз синдромига ва чарчоққа олиб келади.
Ечим:
- 20-20-20 қоидасига риоя қилинг: ҳар 20 дақиқада экрандан кўзингизни олиб, 6 метр наридаги объектга 20 сония қаранг;
- Бирор деворга хаёлий нуқта чизинг, унга диққат қилинг, кейин узоққа қаранг.
- Кўз массажи: кўзларингизни юминг ва қовоқларингизни енгил массаж қилинг.
- Экран ёрқинлигини хонанинг ёруғлигига мосланг;
- Смартфондаги “Қоронғи” режимидан фойдаланинг (оқ фонда қора матн).
2. Макияж билан ухлаш
Косметика қолдиқлари ёғ безларини ёпиб қўяди ва кўзнинг яллиғланишига сабаб бўлади.
Ечим:
- Ҳар доим уйқуга ётишдан олдин макияжни тозаланг;
- Махсус макияж тозаловчи воситалардан фойдаланинг.
3. Етарли ухламаслик
Уйқу етишмаслиги кўз қизариши, кўриш қобилиятининг пасайиши, тез чарчашга олиб келади.
Ечим:
Ҳар куни 7–8 соат ухлашга ҳаракат қилинг.
4. Кўзни қуёш нуридан ҳимоя қилмаслик
Ултрабинафша нурлари, ҳатто булутли кунда ҳам, қорачиқ, кўз нурлари линзаси ва тўр пардасига зарар етказади.
Ечим:
- УВ филтри бўлган қуёшдан сақловчи кўзойнак тақинг.
- Кенг шляпалардан фойдаланинг.
- УВ ҳимояси бўлган линзаларни таққан бўлсангиз ҳам, кўзингизни қўшимча кўзойнак билан ҳимоя қилинг.
5. Офталмологга бормаслик
Баъзи кўз касалликлари белгисиз кечади, лекин кўриш қобилиятини ёмонлаштириб бораверади.
Ечим:
- Ҳар йили профилактик кўрикдан ўтинг;
- 40 ёшдан кейин мунтазам текширувлардан ўтинг.
Изоҳ (0)