Amerika Qo‘shma Shtatlari prezidenti Donald Tramp AQSHning Yaqin Sharqda yuzaga kelishi mumkin bo‘lgan yangi uzoq yoki qisqa muddatli qurolli mojaroga aralashishini istamasligini bildirdi.
Shuningdek, u Oq uyda jurnalistlar bilan suhbatda Isroilning Eronga qarshi harbiy operatsiyasiga izoh berar ekan, AQSH yahudiy davlatiga turli yo‘nalishlarda yordam ko‘rsatayotganini ta’kidlagan.
“Biz uzoq muddatli kampaniyaga intilmayapmiz. Men faqat bitta narsani xohlayman: Eron yadro qurolini qo‘lga kirita olmasligi kerak. Men buni 20 yildan beri aytib kelmoqdaman. Gap shunda”, dedi Tramp.
Uning fikricha, agar Eron yadro qurolini yaratsa, uni amerikaliklar va “boshqa insonlarga” qarshi ishlatadi, bu esa butun dunyoda dahshat uyg‘otadi.
“Bu boshqa narsaning masalasi emas”, deya ta’kidladi u.
Shu bilan birga, Tramp asosan AQSHdagi saylovchilarni nazarda tutib, “ba’zi odamlar” Amerika tomonining Isroilga Eronga qarshi operatsiya o‘tkazishda ko‘rsatayotgan yordamidan norozi ekanligini tan olgan.
“Ammo juda mamnun bo‘lganlar ham bor”, deya qo‘shimcha qilgan AQSH prezidenti.
Isroil 13-iyunga o‘tar kechasi Eronning yadro dasturiga qarshi “Isyonkor sher" operatsiyasini boshladi. Bir sutkadan kam vaqt o‘tgach, Islom Respublikasi javob hujumini amalga oshirdi. Keyingi kunlarda Isroil va Eron o‘zaro zarba berishni davom ettirdi. Ikkala tomon ham ushbu hujumlar natijasida halok bo‘lganlar va jabrlanganlar borligini ma’lum qildi, o‘z hududlaridagi bir qator obyektlarga zarba yetkazilganini tan oldi, ammo yetkazilgan zarar cheklangan ekanini ta’kidladi.
Izoh (0)