AQSH prezidenti Donald Tramp Yaqin Sharqdagi keskin siyosatini davom ettirmoqda. G‘azo ustidan Amerika nazorati o‘rnatilishi mumkinligi haqidagi bayonotdan so‘ng, endi u mintaqadagi kuchlar muvozanatini o‘zgartirishi mumkin bo‘lgan qadamni tashlamoqda.
Tramp administratsiya Isroilga eng kuchli yadroviy bo‘lmagan MOAB bombalardan biri yetkazib berilishini e’lon qildi.
11 tonna og‘irlikdagi bu bomba yerning chuqur qatlamlarida joylashgan inshootlarni, masalan, Eron yadro obyektlarini yo‘q qilishga qodir. Ilgari AQSHning barcha prezidentlari — Jorj Bushdan Jo Baydengacha mojaroning kuchayishidan cho‘chib, Isroilga bu qurolni berishdan bosh tortgan edi. Ammo endi Tramp birinchi marta MOAB’ni yetkazib berishga ruxsat berdi.
Isroil razvedkasi ma’lumotlariga ko‘ra, bu shu yilning o‘zidayoq yadro quroliga ega bo‘lishi kutilayotgan Eronning yadro obyektlariga ehtimoliy hujum uchun signal bo‘lishi mumkin. Trampning bunday qat’iy pozitsiyasiga Eron maxsus xizmatlarining uni yo‘q qilish rejalari haqidagi xabarlar sabab bo‘lgan.
Agar ular shunday qilishsa, ularni shunchaki yer yuzidan supurib tashlashadi, degan Tramp va hujum yuz bergan taqdirda chora ko‘rish uchun buyruq berib bo‘lganini aytdi.
Tramp Isroilga bombalar yuborishni tikladi
U Baydenning Isroilga 2000 funtlik bombalarni yuborish bo‘yicha joriy etgan taqiqini bekor qildi. Bu Isroil va HAMAS o‘rtasidagi urush paytida tinch aholi qurbonlari sonini kamaytirishga qaratilgan bosimni yo‘qqa chiqaradi. AQSH prezidenti taqiqni bekor qilish qarorini quyidagicha izohlamoqda:
Ular bombalarni uzoq vaqtdan beri kutishayotgan edi. Chunki ularni sotib olishgan, deb javob berdi siyosatchi.
Tramp: “AQSH G‘azo sektorini boshqaradi”
AQSH prezidenti G‘azo sektorini “snos” maydonchasi deb atagandi. U anklav aholisini turli mamlakatlarga, jumladan, Iordaniya va Misrga ko‘chirib o‘tkazish mumkinligini aytgan. U Qo‘shma Shtatlar bu jarayonni moliyalashtirmasligi, chunki xarajatlarni qoplashga Yaqin Sharq davlatlarining qurbi yetishini ta’kidlagandi. Vashington esa mintaqadagi ishlar uchun javobgar bo‘ladi va zarurat tug‘ilganda u yerga o‘z qo‘shinlarini yuborishi mumkinligini aytgan.
Saudiya Arabistoni hukumati o‘z bayonotida falastinliklarni o‘z yerlaridan siqib chiqarishga qaratilgan har qanday urinishlarni qabul qilmasligini ta’kidlab, Falastin davlati tuzilmagunicha Isroil bilan munosabat o‘rnatmasligini e’lon qildi.
HAMAS Trampning G‘azodagi falastinliklarni chiqarib yuborishga chaqirgan da’vatlarini qoralab, ularni “o‘z yeridan quvish” deb atadi.
Avstraliyaning mahalliy aholisi vakili bo‘lgan siyosatchi Lidiya Torp Trampning G‘azoni “egallash” haqidagi fikrlarini “etnik tozalash va mustamlakachilikning ochiq chaqirig‘i” deb baholadi.
Amnesty International inson huquqlari tashkiloti o‘tgan yilning noyabr oyida Xalqaro jinoiy sud (XJS) Netanyaxuni qamoqqa olish uchun order bergan bo‘lsa-da, uni qamoqqa olmasdan, AQSH “xalqaro odil sudlovga nisbatan nafratini namoyish etayotganini” bildirdi.
AQSHda bir qator demokratlar Trampning rejasini tanqid qildi, demokrat senator Kris Merfi esa AQSHning G‘azoga bostirib kirishi minglab amerikalik askarlarning halok bo‘lishiga va Yaqin Sharqda o‘n yillab davom etadigan urushga olib kelishini ta’kidladi.
Ular bombalarni uzoq vaqtdan beri kutishayotgan edi. Chunki ularni sotib olishgan, deb javob berdi siyosatchi.
Izoh (0)