AQSH prezidenti Donald Tramp ma’muriyati NASA va mamlakat uchun ilm-fanning qadriga yetmayapti. Bu haqda Vakillar palatasining Demokratik partiyasidan fan qo‘mitasi a’zosi Jorj Uaytsayds ma`lum qildi.
Ta’kidlanishicha, parlamentar Tramp ma’muriyatining 2026-moliyaviy yil uchun NASA byudjetini qariyb 25 foizga qisqartirishni rejalashtirayotganini fojiali, deb baholagan. Bu agentlikning ilmiy dasturlarini moliyalashtirishni ikki barobar kamaytirish degani.
“Ma’muriyat fan va texnologiyalarning iqtisodiyotimiz hamda jahondagi yetakchiligimiz uchun ahamiyatini anglamayotganga o‘xshaydi”, dedi Uaytsayds.
Demokrat AQSH yetakchilikni saqlab qolishni istagan Yer haqidagi fanlarda multispektral tasvirlardan foydalanishni faol rivojlantirayotgan Xitoyni misol qilib keltirdi.
“Xitoyliklar kosmosga so‘zma-so‘z o‘nlab shunday qurilmalarni uchirmoqda. Biz uchun multispektral tasvirlar sohasidagi yetakchilikdan voz kechish nafaqat atmosfera fani bilan bog‘liq masala, balki butun dunyo bo‘ylab, butun mamlakatimiz bo‘yicha ushbu asrning kelajak iqtisodiyoti uchun kurashda hal qiluvchi ahamiyatga ega bo‘lgan asosiy foydali qazilmalarni topish imkoniyatimizni cheklash, chegaralashdir”, deb ta’kidladi demokrat.
Uaytsayds Artemis oy dasturini moliyalashtirishni davom ettirishni qo‘llab-quvvatladi va Trampning tadbirkor Jared Ayzekman nomzodini NASA rahbari lavozimiga ko‘rsatishdan voz kechish qaroridan hayratga tushganini aytgan.
Ilgari Jared Ayzekman Donald Trampning bu qarorini ayrim shaxslarning g‘arazli manfaatlari va tadbirkor Ilon Mask bilan aloqasi bilan izohlagan edi.
Izoh (0)