AQSH prezidenti Jo Bayden va vitse-prezident Kamala Harris 25-iyul kuni Vashingtonda Isroil bosh vaziri Binyamin Netanyaxu bilan alohida uchrashuvlar o‘tkazadi. Bu haqda Oq uy rasmiylari ma’lum qildi.
“Uchrashuvdan so‘ng ikki davlat rahbarlari HAMAS tomonidan garovga olingan amerikaliklarning oilalari bilan ko‘rishadi, shu kuni vitse-prezident Kamala Harris ham bosh vazir Netanyaxu bilan alohida uchrashuv o‘tkazadi”, deyiladi Amerika maʼmuriyati xabarida.
Bo‘lajak muhokamalar o‘t ochishni to‘xtatish va G‘azo sektorida Falastinning Hamas harakati tomonidan garovga olinganlarni ozod qilish, shuningdek, Eron va Yaqin Sharq mintaqasidagi boshqa davlatlarning Isroilga “xavfsizlik tahdidi”ga qarshi turish masalalariga qaratiladi.
Eslatib o‘tamiz, Netanyaxu avvalroq AQSHga tashrifi davomida prezidentlikka Respublikachilar partiyasidan nomzod Donald Tramp bilan uchrashishni rejalashtirayotganini ma’lum qilgan edi.
Izoh (0)