Bugun,

  • USD 11095.31
  • RUB 173.84
  • EUR 10772.44

AQSH prezidenti Jo Bayden Eronda yadro quroli paydo bo‘lishiga yo‘l qo‘ymaslik uchun “boshqa iloji topilmay qolganida” harbiy vositalarni qo‘llashga tayyor, biroq hozircha bunga ehtiyoj yo‘q. Bu haqda AQSHning Eron bo‘yicha maxsus vakili Robert Malli ma’lum qildi, deb yozadi “Kommersant”.

Foto: EPA

Foto: EPA

“Prezident aytdiki, agar bu Eronda yadro quroli paydo bo‘lishiga yo‘l qo‘ymaslikka yordam beradigan bo‘lsa, eng oxirgi chora sifatida harbiy ssenariyga rozi bo‘ladi. Ammo buning vaqti kelganicha yo‘q”, — dedi Malli. Uning qo‘shimcha qilishicha, Vashington bu masalani hal qilishda hamon diplomatiyani afzal ko‘rmoqda.

2015-yilda Eron “oltilik guruhi” (AQSH, Rossiya, Xitoy, Buyuk Britaniya, Germaniya, Fransiya) bilan Keng qamrovli qo‘shma harakatlar rejasi haqida bitim imzolagan edi. Reja Eron tomonidan yadro dasturi tugatilishi evaziga, Tehronga nisbatan iqtisodiy sanksiyalarning bosqichma-bosqich bekor qilinishini ko‘zda tutardi. 2018-yilda AQSH prezidenti Donald Tramp bitimdan chiqishini e’lon qildi va Eronga qarshi sanksiyalarni qayta tikladi. Tehron Keng qamrovli qo‘shma harakatlar rejasiga rioya qilishdan bosh tortdi.

22-noyabr kuni Eronning ISNA agentligi Tehron Fordodagi yerosti yadro obyektida uranni 60 foizgacha boyitishga kirishganini ma’lum qildi. Yadro qurolini ishlab chiqarish uchun uranni 90 foizgacha boyitish zarur. Fransiya, Buyuk Britaniya va Germaniya Eronni yadroviy bitimni buzishda aybladi.

15—18-noyabr kunlari Yaqin Sharq mamlakatlari, kuzatuvchi mamlakatlar va xalqaro tashkilotlar vakillari mintaqada yadro qurolidan xoli hudud yaratishni muhokama qildi. Biroq bunday qurolga ega bo‘lgan yagona Yaqin Sharq mamlakati — Isroil tadbirga boykot e’lon qildi.

Izoh
Asosiy yangiliklar
Mahalliy
Mashina olib berishni vaʼda qilib, 248 kishini 12 mlrd so‘mga chuv tushirgan firibgarlarga hukm o‘qildi
Mahalliy
Shavkat Mirziyoyev Nukusdagi xonadonda iftorlik qildi (video)
Dunyo
Blinken AQSH fuqarolarini zudlik bilan Rossiyani tark etishga chaqirdi