АҚШнинг Украинадаги можарони ҳал қилиш режаси Россия ҳудудларини сақлаб қолиш ва Москвадан санкцияларни бекор қилишни назарда тутади. Америка ташаббусининг тафсилотларини Bloomberg агентлиги манбаларга асосланиб ошкор қилди.
“АҚШ иттифоқчиларга Россия ва Украина ўртасида тинчлик битими тузиш бўйича таклифларни тақдим этди. Булар жанговар ҳаракатларни тўхтатиш шартлари рўйхати ва узоқ муддатли ўт очишни тўхтатиш ҳолати юзага келганда Москвага қарши санкцияларни юмшатишни ўз ичига олади”, дея таъкидланади нашрда.
Номи ошкор этилмаган Европа амалдорларига кўра, Америка режаси Вашингтоннинг Европадаги иттифоқчиларига Парижда Украина бўйича ўтказилган бир қатор учрашувлар давомида тақдим этилган ва можарони амалда юмшатишни кўзда тутади. Унинг шартларига кўра, Россиянинг янги ҳудудлари “Москва назорати остида қолади”. Бундан ташқари, АҚШ таклифи Украинанинг НАТОга аъзолигини муҳокама қилишдан воз кечишни назарда тутади.
АҚШ ва Украина фойдали қазилмалар бўйича келишувга эришганини тасдиқловчи меморандумни имзолади.
АҚШ президенти Дональд Трамп Украинадаги урушни тугатиш учун россиялик ҳамкасби Владимир Путинга уч кун муҳлат берди.
АҚШ Давлат департаменти раҳбари Марко Рубио президент Дональд Трамп яқин кунларда ўт очишни тўхтатиш бўйича тараққиётни кўрмаса, Россия ва Украина ўртасида тинчликка эришишда воситачилик қилишни тўхтатишини маълум қилди.
Изоҳ (0)