Фарғона вилоятида фуқароларни Россия-Украина урушига жўнатишга уринган такси ҳайдовчиси ушланди. Олий суд матбуот котиби унга нисбатан эълон қилинган суд ҳукмини “Дарё”га тақдим этди.
Келтирилишича, судланувчи Ф.Х. 2024 йил январь ойида Ўзбекистон фуқароларини Россия ва Украина ўртасидаги ҳарбий ҳаракатларга жалб қилиш мақсадида Россия фуқароси ва бошқалар билан олдиндан жиноий тил бириктирган. Шартнома билан Россияга ишга қабул қилинган ва жўнатилган ҳар бир фуқаро учун судланувчидан 1000 АҚШ доллари олиши керак эди.
Ф.Х. Ўзбекистон фуқаросига ойига 1500–2500 доллар маош, Россия фуқаролиги, ҳарбий билет, кийим-кечак, унвон, расмий ишга жойлашиш ва қуролли можарода қатнашгани учун имтиёзли кредит ваъда қилган. Фарғонадан Москвага авиачипта ҳам сотиб олган. Фарғона аэропортида Ўзбекистон фуқаросини жўнатиб юбориш вақтида қўлга олинди.
Судда айбланувчи уруш бўлган ҳудудга ўзи бориб, ўзи раҳбарлигида Ўзбекистон фуқароларидан иборат қурилиш гуруҳини тузмоқчи бўлганини, Россия фуқароси Россияга киришига қўйилган тақиқни олиб ташлашга ёрдам беришига умид қилганини айтган. Шунингдек, Россия фуқароси унга WhatsApp орқали уруш зонасида нон ёпишни ёки қурилишда ишлаши мумкинлигини айтганини ҳам келтирган.
У, шунингдек, таксичилик билан шуғулланиб, йўловчи бўлиб чиққан ва чет давлатларида ишлаш нияти бор шахсларга россиялик томонидан айтилган иш ва таклифларни айтиб, бир нечта шахслар билан телефон рақамларини алмашган.
Айбланувчи суд ҳукми билан 7 йил 1 ой муддатга озодликдан маҳрум қилинди.
Суриядаги жанговар ҳаракатларда иштирок этиб келаётган андижонлик 42 ёшли эркак қидирилмоқда. Шунингдек, Суриядаги террорчилик ташкилоти аъзоси бўлган андижонлик эркакка ҳам қидирув эълон қилинган.
Изоҳ (0)