АҚШ президенти Дональд Трамп маъмуриятида Россия билан муносабатлар масаласида келишмовчиликлар юзага келди. Маслаҳатчиларнинг бир қисми қатъийроқ позицияни эгаллашга чақирмоқда, бошқалари эса Украинадаги урушни тугатиш учун музокаралар ўтказишни қўллаб-қувватламоқда. Бу ҳақда Wall Street Journal хабар берди.
-cbDkyDnG.avif)
Трамп Россиянинг ҳудудий талабларига нисбатан қатъийроқ позицияни эгаллаши керак. АҚШ давлат котиби Марко Рубио ва Украина бўйича махсус вакил Кит Келлог тегишли фикрни илгари сурган. Улар Москва билан мулоқотда эҳтиёт бўлишга чақирган.
Сўнгги ойларда Россияга бир неча бор ташриф буюрган Яқин Шарқ бўйича махсус вакил Стив Уиткофф эса мутлақо бошқача фикрда. У Москва урушни тўхтатишга тайёрлигини айтган. АҚШ президент айнан Уиткоффнинг фикрига қўшилгани маълум қилинди.
Президент администрациядаги келишмовчиликлар, айниқса, Россия Украинанинг Суми шаҳрига баллистик ракеталар учирганидан сўнг кучайди. Мазкур ҳужум оқибатида 34 киши ҳалок бўлди. Украина президенти Владимир Зеленский дунё давлатларига мурожаат қилиб, россиялик ҳамкасби Владимир Путинга босим ўтказишга чақирди.
Юқоридаги ҳодиса Трампнинг маслаҳатчилари орасида турли муносабатларни келтириб чиқарди. Президентнинг ўзи содир бўлган воқеани “хато” деб атади, Келлог ва Рубио эса Сумига ҳужумни кескин қоралади, унга йўл қўйиб бўлмаслигини таъкидлади.
Қарашлардаги фарққа қарамай, маъмуриятнинг барча аъзолари, жумладан, Россияга нисбатан қатъийроқ ёндашув тарафдорлари Трампнинг Украинадаги можарони тугатиш мақсадини қўллаб-қувватламоқда.
Россиянинг Сумига ҳужуми
-kmtF_y-Y.avif)
13 апрель куни Украинанинг Суми шаҳрига баллистик ракеталар билан ҳужум қилинди. Авиазарбалар оқибатида ҳалок бўлганлар сони 34 кишига етди. Жароҳатланганлар сони 117 кишини ташкил этмоқда, улардан 15 нафари болалардир.
Биз Россияга террорчи нимага лойиқ бўлса, шундай муносабатда бўлишимиз керак... Путин Американинг ўт очишни тўлиқ ва сўзсиз тўхтатиш таклифини эътиборсиз қолдирганига 2 ой бўлди. Афсуски, Москвадагилар одам ўлдиришни давом эттиришига ҳақли эканликларига ишонмоқда. Вазиятни ўзгартириш учун ҳаракат қилиш зарур, деди сиёсатчи.
У қурбонларнинг оиласига ва яқинларига ҳамдардлик билдирди. Олий Рададан халқ депутати Маряна Безуглая зарба нишони мукофотлаш учун тўпланган украиналик ҳарбийлар бўлганини айтди. У Украина армияси бош қўмондони Александр Сирский ва ҳудудий мудофаа қўмондонига мурожаат қилиб, “фуқаролик шаҳарлари”да бундай амалиётни тўхтатишни талаб қилди ва “ахборот сизиб чиқиши” содир бўлганини айтди.
Изоҳ (0)