Ипотека Банк OTP Group Global Money Week 2025 халқаро ҳафталиги доирасида Ўзбекистоннинг молиявий саводхон янги авлодини шакллантириш мақсади билан ўнлаб мактабларни қамраб олди.
Жадал ўзгариб бораётган рақамли дунёда молиявий саводхонлик масаласи шунчаки пул тўғрисидаги билимлар билан чекланиб қолмайди. Бу – ҳаётий муҳим кўникмадир. Шу сабабли, Ипотека Банк OTP Group халқаро Умумжаҳон пул ҳафталиги 2025 ташаббусини фаол қўллаб-қувватлади ва ёшлар орасида шахсий молияни бошқариш бўйича барқарор кўникмаларни шакллантиришга қаратилган кенг кўламли таълим дастурини амалга оширди.
Жорий йилнинг 15 апрелидан 23 апрелгача Ипотека Банк OTP Group республика бўйлаб юзлаб ўқувчилар учун 23 та мактабда очиқ дарслар ўтказди. Банк мутахассислари ва ўқитувчилар нафақат бюджет, тежамкорлик ва киберхавфсизлик каби асосий тушунчалар, балки жамғаришга нисбатан масъулият, молиявий одатлар ҳамда молиявий соҳадаги карера имкониятлари ҳақида ўқувчиларга сўзлаб беришди. Ўқувчилар эса ўз навбатида фаоллик кўрсатишиб, ўзларини қизиқтирган барча саволларга жавоб олишиб, қимматли билимларга эга бўлишди.
Шунингдек, Тошкент шаҳрининг 138 ва 198-сонли мактаб ўқувчилари учун Санъат музейига унутилмас экскурсиялар уюштирилди. Музейга сайёҳат давомида болалар қадимги тангалардан тортиб рақамли валютагача бўлган пуллар тарихи билан танишишди. Бу амалий тажриба уларга молиявий воситалар қандай ўзгараётганини ва бу жараёнда банкнинг ўрни қандай эканини англашга ёрдам берди.
22–23 апрель кунлари Бухоро ва Наманган банк филиаллари мактаб ўқувчилари билан норасмий учрашув ўтказишди. Унда ўқувчилар банкнинг ички фаолияти, молиявий хизматлар хавфсизлигини таъминловчи замонавий технологиялар билан таништирилди. Ўқувчилар кўпроқ рақамли маҳсулотлар — мобил иловалар ва шахсий бюджетни бошқариш сервисларига қизиқиш билдиришди. Таълим жараёни янада мазмунли ўтиши учун банк ходимлари томонидан молиявий саводхонлик бўйича қизиқарли танловлар ўтказилди. Ўқувчилар билим ва мантиқий фикрлашда беллашиб, нафақат эсдалик совғаларига эга бўлишди, балки билим олиш қадрли ва қимматли эканлигига ишонч ҳосил қилишди.
Тадбирнинг асосий қисми Ёшлар форумида давом этди. Унда Ипотека Банк OTP Group фаол ҳамкор ва спикер сифатида қатнашди. Форум доирасида иш ўринлари ярмаркаси, банк соҳасидаги карера ривожи бўйича маслаҳатлар ва энг муҳими, молиявий ҳамда рақамли фирибгарликдан ҳимоя қилиш бўйича амалий учрашув ташкил этилди. Банк вакиллари томонидан фирибгарликнинг кўп учрайдиган тузилмалари очиб берилиб, ўзини ва яқинларини ҳимоя қилиш бўйича аниқ тавсиялар берилди.
Бугунги кунда ҳар бир ўсмир — хоҳ онлайн харидлар орқали, хоҳ биринчи банк картаси орқали бўлсин, молиявий экотизим иштирокчисига айланмоқда. Шунинг учун уларнинг онгли молиявий хулқ-атвор кўникмаларига эга бўлиши жуда муҳим. Ипотека Банк OTP Group айнан шу мақсадларни кўзлаган ҳолда ёшлар орасида молиявий маданиятни оширишга қаратилган Global ва маҳаллий ташаббусларни қўллаб-қувватлашда давом этмоқда. Банк барқарор иқтисодиётнинг келажаги онгли инсон — ўқувчи, талаба, ёш мутахассисдан бошланишига ишонади ва бу жараёнга доимо ўз самарасини берадиган инвестисия сифатида қарайди.
#GlobalMoneyWeek2025
#GMW2025
#ThinkBeforeYouFollow #WiseMoneyTomorrow
#LearnSaveEarn
Реклама ҳуқуқи асосида.
Изоҳ (0)