АОКАда ўтказилган матбуот анжуманида “Олмалиқ кон-металлургия комбинати” АЖ масъуллари томонидан трансформация жараёнлари юзасидан маълумот берилди.
Ҳозирги кунда ОКМКда трансформация йўналишида бир қатор самарали ишлар амалга оширилмоқда. Дастур доирасида Молиявий ҳисоботнинг халқаро стандартларига ўтиш, Стратегия ва операцион самарадорлик, Корпоратив бошқарув тизимини такомиллаштириш, Барқарор ривожланиш (ECG), Рақамлаштириш каби йўналишларда кенг кўламли ишлар амалга оширилмоқда.
ОКМК нафақат самарали, балки узоқ муддатли истиқболда барқарор ва рақобатбардош бўлиши учун корхонада Трансформация, ESG тартиби ва халқаро рейтинглар лойиҳа офиси ташкил этилди. Ушбу жамоа шаффоф ҳисоботдан тортиб стратегик режалаштиришгача бўлган энг яхши жаҳон амалиётларини жорий этиш учун масъулдир.
ОКМК 2019 йилдан бошлаб молиявий ҳисоботнинг халқаро стандартлари — бизнес учун бутун дунёда тан олинган қоидалар бўйича ҳисобот юритади. Ушбу стандартларни жорий этишга Ernst & Young, Deloitte каби аудиторлик компаниялари кўмаклашди. Бу ОКМКга S&P (“B+”) ва Fitch (“BB-” барқарор прогноз) халқаро кредит рейтингларини олиш, шунингдек, воситачиларсиз тўғридан-тўғри халқаро банклардан молиялаштиришни жалб қилиш имконини берди. Натижада ОКМК 2,3 миллиард доллар кредит маблағларини жалб қилди ва 125 миллион доллар молиявий харажатларни иқтисод қилди.
Шунингдек, комбинат 56 балл билан Sustainable Fitch томонидан учинчи даражали ECG рейтингига эга бўлди. Бу Ўзбекистондаги тармоқ корхоналари орасида энг юқори кўрсаткич ҳисобланади.
Комбинатда коррупцияга қарши курашиш ва харидлар шаффофлигига ҳам алоҳида эътибор қаратилиб, KPMG томонидан аудит ўтказилди. Бу ўз навбатида самарадорликни ошириш йўлларини аниқлаб берди. RwS Central Аsis аnd Cаusasus компанияси кондан металлургия заводигача бўлган бутун “мис занжири”ни баҳолади ва ишлаб чиқаришни оптималлаштириш бўйича “йўл харитаси”ни яратишга кўмаклашди. Ernst&Young компанияси комплаенс ва молиявий барқарорлик бўйича маслаҳатлар берди.
Ҳозирда ОКМК “масъулиятли мис ишлаб чиқарувчи” сифатида Тhе Cоpper Mark халқаро сертификатлашдан ўтмоқда. Бу маҳсулотларнинг Европа бозорида рақобатбардошлигини таъминлайди ва экологик йўналтирилган инвестицияларни кўпроқ жалб қилиш имконини беради.
Реклама ҳуқуқи асосида.
Изоҳ (0)