Украинада ўт очишни тўхтатишга эришишнинг энг тезкор йўли 2022 йилда Россия ноқонуний равишда қўшиб олишга уринган тўрт шарқий Украина ҳудудига Россияга эгалик қилиш стратегиясини қўллаб-қувватлашдир.
Бундай таклифни АҚШ президенти Дональд Трампга унинг махсус вакили Стивен Уиткофф тақдим қилди, деб хабар берди Reuters.
Учрашувда иштирок этган Трампнинг Украина бўйича махсус вакили Кейт Келлогг Уиткоффнинг фикрига қўшилмаган, дейди масаладан хабардор одамлар.
Reuters агентлигининг таъкидлашича, Келлогг Киев баҳсли ерлар бўйича баъзи шартларни муҳокама қилишга тайёр бўлса-да, ҳудудларнинг тўлиқ эгалик ҳуқуқини бир томонлама Россияга беришга ҳеч қачон рози бўлмаслигини таъкидлаган. Учрашув Трамп АҚШ стратегиясини ўзгартириш тўғрисида қарор қабул қилмасдан якунланди.
Март ойи ўрталарида Россия уни “Украинапараст” деб ҳисоблаб, иштирокчилар орасида кўришни истамаслигини билдирганидан сўнг, Келлогг урушни тугатиш бўйича олий даражадаги музокаралардан четлаштирилгани ҳақида хабар берилган эди.
Изоҳ (0)