AQSHning Ukrainadagi mojaroni hal qilish rejasi Rossiya hududlarini saqlab qolish va Moskvadan sanksiyalarni bekor qilishni nazarda tutadi. Amerika tashabbusining tafsilotlarini Bloomberg agentligi manbalarga asoslanib oshkor qildi.
“AQSH ittifoqchilarga Rossiya va Ukraina o‘rtasida tinchlik bitimi tuzish bo‘yicha takliflarni taqdim etdi. Bular jangovar harakatlarni to‘xtatish shartlari ro‘yxati va uzoq muddatli o‘t ochishni to‘xtatish holati yuzaga kelganda Moskvaga qarshi sanksiyalarni yumshatishni o‘z ichiga oladi”, deya ta’kidlanadi nashrda.
Nomi oshkor etilmagan Yevropa amaldorlariga ko‘ra, Amerika rejasi Vashingtonning Yevropadagi ittifoqchilariga Parijda Ukraina bo‘yicha o‘tkazilgan bir qator uchrashuvlar davomida taqdim etilgan va mojaroni amalda yumshatishni ko‘zda tutadi. Uning shartlariga ko‘ra, Rossiyaning yangi hududlari “Moskva nazorati ostida qoladi”. Bundan tashqari, AQSH taklifi Ukrainaning NATOga a’zoligini muhokama qilishdan voz kechishni nazarda tutadi.
AQSH va Ukraina foydali qazilmalar bo‘yicha kelishuvga erishganini tasdiqlovchi memorandumni imzoladi.
AQSH prezidenti Donald Tramp Ukrainadagi urushni tugatish uchun rossiyalik hamkasbi Vladimir Putinga uch kun muhlat berdi.
AQSH Davlat departamenti rahbari Marko Rubio prezident Donald Tramp yaqin kunlarda o‘t ochishni to‘xtatish bo‘yicha taraqqiyotni ko‘rmasa, Rossiya va Ukraina o‘rtasida tinchlikka erishishda vositachilik qilishni to‘xtatishini ma’lum qildi.
Izoh (0)