Жавоҳир Синдоров Германияда бўлиб ўтадиган Grenke Chess Open 2025 турнирида қатнашади. Мукофот жамғармаси 225 минг евро бўлган мусобақа 17–21 апрель кунлари ўтказилиши белгиланган.
Баҳслар швейсарча тизимда бўлиб ўтади. Мусобақада 9 та тур ўйинлари ўтказилиб, ғолиб очколар ҳисобига кўра аниқланади.
Турнирда жами 900 та иштирокчи қатнашади ва улар орасидаги 17 та шахматчи 2700+ рейтинг очкога эга бўлган ўйинчилар ҳисобланади. Ўзбекистонлик Жавоҳир Синдоров ҳам мусобақанинг асосий фаворитларидан бири сифатида эътироф этилмоқда. Шунингдек, яқинда Парижда ўтган Freestyle Chess Grand Slam мусобақаси ғолиби, дунёнинг 1-рақамли шахматчиси, норвегиялик Магнус Карлсен ҳам турнирда иштирок этади.
Турнирдаги энг номдор шахматчилар билан танишинг:
Жавоҳир Синдоров — Ўзбекистон;
Магнус Карлсен — Норвегия;
Фабиано Каруана — АҚШ;
Аржун Эригаиси; — Ҳиндистон
Ян Непомняшчий — Россия;
Аравинд Читамбарам — Ҳиндистон;
Шахрияр Мамедяров — Озарбайжон;
Уэсли Со — АҚШ;
Левон Аронян — АҚШ.
Эслатиб ўтамиз, яқинда Нодирбек Абдусатторов Парижда бўлиб ўтган Freestyle Chess Grand Slam мусобақасида иштирок этди ва турнирни 8-ўринда якунлади.
Изоҳ (0)