“Ливерпуль” раҳбарияти ҳимоячи Трент Александр-Арнольднинг клубни муддатидан олдин тарк этгани боис “Реал” жамоасидан компенсация талаб қилмоқчи. Бу ҳақда Испаниянинг COPE нашри хабар бермоқда.
Маълумотларга кўра, мерсисайдликлар 26 ёшли футболчининг 14 июнь куни клубни тарк этганидан норози бўлган. Аслида унинг “Ливерпуль” билан ўртасидаги шартномаси 30 июнгача амал қилади. Бироқ “Реал Мадрид” Александр-Арнольдни 18 июнь куни бошланадиган Клублар ўртасидаги Жаҳон чемпионатида иштирок этишини режалаштирган ва шу боис у билан эртароқ битим тузишни истамоқда.
Мадридликларнинг турнирдаги илк ўйини Саудия Арабистонининг “Ал-Ҳилол” клубига қарши бўлиб ўтади. Шунингдек, Мексиканинг “Пачука” ҳамда Австриянинг “Зальсбург” жамоаларига қарши майдонга тушади.
Эслатиб ўтамиз, Трент Александр-Арнольд 5 май куни “Ливерпуль”ни тарк этишини эълон қилганди. У клуб сафида жами 352 та ўйинда майдонга тушиб, 23 та гол ва 92 та голли узатма муаллифига айланган.
Изоҳ (0)