Исроил армияси 21 октябрь куни Сурия ҳудудида Ливандаги “Ҳизбуллоҳ” гуруҳига молиявий ёрдам берувчи сўнгги қўмондон “йўқ қилинганини” эълон қилди. Бу ҳақда Al Arabiya хабар берди.
Исми ошкор этилмаган бу шахс, Теҳроннинг нефть савдосидан тушган маблағларини “ўтказиш ва миқдорини назорат қилишга” масъул “Ҳизбуллоҳ”нинг 4400-бўлинмасини бошқарган, дейди Исроил армияси вакили, контрадмирал Даниэль Ҳагари.
Ҳагари бўлинмани аввалроқ Шайх Салоҳ номи билан танилган Муҳаммад Жафар Ксир бошқарганини айтиб ўтган.
У “Ҳизбуллоҳ”нинг асосий даромад манбаини йиллар давомида бошқарган, токи биз октябрь ойи бошида пойтахт (Байрут) га қаратилган ҳужумда уни йўқ қилмагунимизча, деган у.
21 октябрь куни Сурия мудофаа вазирлиги Дамашқдаги автомобилга қаратилган Исроил ҳужуми оқибатида икки киши ҳалок бўлганини эълон қилди.
Сурия Инсон ҳуқуқлари обсерваториясига кўра, ҲАМАС раҳбари Яҳё Синвар хотирасига бағишланган тадбирлар ўтказилаётган ҳудудда ўз автомобилини бошқараётган суриялик бўлмаган шахсга ҳаво зарбасини берилган.
4400-сонли бўлинма Эрон нефтини Сурияга етказиб бериш ва уни кейинчалик Ливанда сотиш вазифасини бажаради. Ҳагари таъкидлашича, унинг қиймати “ўн миллионлаб долларга тенг”.
Изоҳ (0)