Европа Комиссияси Яқин Шарқдаги вазият кескинлашувининг янги босқичи фонида Ливандан қочқинлар сони ортишидан огоҳлантирди.
Бу ҳақда Европада миграция билан боғлиқ вазият бўйича ЙК ҳисоботида айтилган.
Кўплаб сурияликлар Ливанни тарк этгани (деярли 1,5 миллион киши) ва инсонпарварлик аҳволи оғирлашиб бораётганини инобатга олсак, қочқинлар сони ортиши кутилмоқда.
“Байрутга ва Байрутдан парвозлар тўхтатилган бўлса-да, мигрантлар учун Европа Иттифоқига етиб бориш учун денгиз, қуруқлик ва ҳаво йўллари ёки Сурия ва Туркия орқали ўтадиган қуруқлик йўлидан фойдаланиш имкониятлари мавжуд”, дейилади Еврокомиссия баёнотида.
Ҳисоботда айтилишича, 29 сентябрь ҳолатига кўра, Исроил ва Ливаннинг Ҳизбуллоҳ ҳаракати ўртасидаги зиддият натижасида 345 минг киши кўчирилган. Сентябрь ойи охирига келиб 100 мингга яқин одам Сурияга қочган.
Изоҳ (0)