Охирги икки кун ичида Эрон Ислом инқилоби қўриқчилари корпуси Сурия жанубидаги ҳудудларга катта ҳарбий қўшимча кучларни юборди. Бу ҳақда Eye of Euphrates хабар берди.
Хабарга кўра, Эрон хавфсизлик бошқармаси ходимлари ҳимоясида 300 дан ортиқ Ироқ ва Афғонистон миллатидан бўлган ҳарбий кучлар Ироқдан Сурияга ўтказилган. Барча ҳарбийлар ўрта ва қисқа масофага учувчи ракеталарни қўллаш бўйича махсус тайёргарликдан ўтган, улар орасида дрон мутахассислари ҳам бор.
Эрон ҳарбийлари режим кучларига тегишли автобуслар ҳамда шиа зиёратчиларни ташиш учун мўлжалланган бошқа уловлардан фойдаланган ҳолда ҳарбийларни ташигани айтилмоқда.
Эслатиб ўтамиз, Эрон президенти Иброҳим Раисий ноябрь ойи бошида ҲАМАС сиёсий бюроси раҳбари Исмоил Ҳания билан учрашувда ҳаракат вакилларидан Теҳрон ва Ливаннинг “Ҳизбуллоҳ” партиясига мурожаат қилиб, Исроил билан урушга киришиш ҳақидаги оммавий чақириқларни бас қилишни талаб қилганди.
Изоҳ (0)