Damasҳқ чеккасида Исроил ҳаво ҳужуми оқибатида юқори мартабали эронлик генерал Сайид Розий Мусавий ҳалок бўлди. Бу ҳақда Insider хабар берди.
Эрон расмийлари ва минтақадаги иттифоқчи гуруҳлар қотиллик учун қасос олишга ваъда берди.
“Бу сионистик режимнинг минтақадаги ҳафсаласи пир бўлгани ва заифлигидан далолат беради, бунинг учун у албатта оғир товон тўлайди”, — деди Эрон президенти Иброҳим Раисий.
Марҳум Эроннинг Суриядаги ҳарбийлаштирилган Инқилобий гвардиясининг узоқ йиллик маслаҳатчиси бўлган. Унинг ўлими Исроил ва ҲАМАС ўртасидаги уруш минтақавий оқибатларга олиб келиши мумкинлиги ҳақидаги хавотирлар фонида содир бўлди.
“Исроил ҳарбийлари Исроилнинг хавфсизлик манфаатларини ҳимоя қилиш вазифасини бажарагани аниқ”, — деди Исроил армияси вакили контр-адмирал Даниэль Ҳагари ва бу хабарга изоҳ бермаслигини айтди.
Эрон давлат телевидениеси Мусавийнинг ўлими ҳақида хабар бериш учун трансляцияни тўхтатди. Мусавий Сурия президенти Башар ал-Асад режимига қаршиларга курашда Ироқ, Афғонистон ва Покистондан жангчиларни тайёрлаш учун Сурияга юзлаб Инқилобий гвардия аъзоларини юборган, Сурия ва Эрон ўртасидаги ҳарбий иттифоқни мувофиқлаштиришга раҳбарлик қилган.
Эрон давлат матбуоти Мусавийни 2020 йил январида АҚШнинг Ироқда дрон ҳужуми оқибатида ҳалок бўлган Эроннинг “Қудс” элита қўшинлари бошлиғи генерал Қосим Сулаймонийнинг яқин иттифоқчиси деб таърифлаган. Исроилнинг шу ой бошида Суриядаги зарбалари оқибатида яна икки генерал ҳалок бўлди.
25 декабрь куни Исроил шиа мусулмонлари зиёратгоҳи яқинида жойлашган Саййида Зайнаб районига зарба берди. Эрон президенти Иброҳим Раисий ўз баёнотида “Мусавий қаршилик фронтида маслаҳатчи бўлиб, Суриядаги муқаддас қадамжоларни ҳимоя қилиб, исломий ғояларни ҳимоя қилган чоғида шаҳид бўлганини” айтди.
Эроннинг Суриядаги элчиси Ҳусайн Акбарий қотилликни қоралаб, Мусавий Сурияда расмий ҳарбий маслаҳатчи бўлганини билдирди.
“Исроил бу жиноятга ўз вақтида ва тўғри вазиятда жавобни албатта олади”, — деди Дамашқдан гапирган Акбарий.
Сурия Инсон ҳуқуқлари обсерваториясининг билдиришича, Мусавий “Ҳизбуллоҳ”нинг бир неча идораларидан бири экани айтилган фермага кирганидан кейин ҳужумга учраган.
Изоҳ (0)