Исроил армиясининг авиазарбалари оқибатида Сурия шимолидаги Aleppo халқаро аэропорти ишдан чиқди. Бу ҳақда Сурия Мудофаа вазирлигига таяниб, Al-Ixbariya телеканали хабар берди.
Хабарга кўра, тонгги соат 4:30 атрофида Исроил Ўрта Ер денгизидан Сурия аэропортига зарба йўллаган, оқибатда учиш-қўниш йўлаги вайрон қилинган ва моддий зарар етказилган.
Aleppo аэропортида Nayrab ҳарбий аэродроми жойлашган.
Бу Исроилнинг Aleppo’га биринчи зарбаси эмас. Сўнгги ҳужум май ойи бошида содир бўлганди: ўшанда бир аскар ҳалок бўлган, етти киши яраланган, улардан икки нафари тинч аҳоли вакиллари эди.
Reuters маълумотларига кўра, ерусти транспортидаги узилишлардан кейин Эрон Сурия, Ливан давлатларига ва “Ҳизбуллоҳ” ташкилотига қурол етказиб бериш учун ҳаво йўлларидан тобора кўпроқ фойдаланмоқда. Агентликнинг Эрон, Сурия, Исроил ва Ғарб расмийлари орасидаги суҳбатдошлари Эрон шу йилнинг баҳорида зилзила қурбонларига гуманитар ёрдам ниқоби остида Сурияга қурол етказиб берганини айтди. Теҳрон бу маълумотни расман рад этди.
Қайд этилишича, 2023 йил бошидан бери Исроил Сурия ҳудудига 22 марта зарба берган.
Изоҳ (0)