Ливандаги “Ҳизбуллоҳ” ҳаракати етакчиси Ҳасан Насруллоҳ Эроннинг Қудс кучлари қўмондони Исмоил Қаанига “Ҳизбуллоҳ” Исроил билан уруш бошланса, якка ўзи жанг қилишини айтган ва Теҳронни аралашмасликка чақирган, деб хабар берди Reuters.
Нашрга кўра, Насруллоҳ ва Қаани ўртасидаги учрашув февраль ойида Байрутда бўлиб ўтган ва 2023 йил 7 октябрдан бери учинчи учрашув бўлган.
Учрашувда Исроилнинг Ливанга кенг кўламли ҳужуми эҳтимоли мавзуси кўтарилган. Сўнгги беш ой ичида Исроилнинг ашаддий душмани “Ҳизбуллоҳ” Исроилнинг шимолий чегараси бўйлаб чекланган ракеталар отиш орқали ҲАМАСни қўллаб-қувватлаган. Бундай кескинлашув Эронни аввалгиларидан кучлироқ жавоб беришга мажбур қилади. Аммо Насруллоҳ Қаанига Эроннинг Исроил ёки АҚШ билан урушга тортилишини истамаслигини ва “Ҳизбуллоҳ” ўзи жанг қилишини айтган.
Бу бизнинг урушимиз, — деб айтган Қаани Насруллоҳ.
Февраль ойи охиридан бери Исроил армияси Ливан шарқида Баалбек шаҳри атрофида ҳужумларни кучайтирган. Баалбекнинг ташкилот учун стратегик аҳамияти фақат ракеталар билан чекланиб қолмайди, балки у Сурия ва Эрон ўртасидаги боғловчи ҳисобланади.
Маълумотларга кўра, “Ҳизбуллоҳ” учун ўқ-дори ва қурол олиб кетаётган юк машиналари деярли ҳар куни Сурия билан шарқий чегарадан ўтиб, Эрондан қуруқлик орқали келади. Шунингдек, Баалбекда оғир ва узоқ масофага мўлжалланган ракета қуроллари ва ўқ-дорилари учун кўплаб омборхоналар, шунингдек, дронларни ишлаб чиқариш заводлари мавжуд. Бундан ташқари, Баалбек чеккасида, Ҳермел ва Аюн ас-Симон шаҳарлари яқинида “Ҳизбуллоҳ” жангарилари учун ўқув лагерлари жойлашган.
Изоҳ (0)