Дунёнинг йигирмадан ортиқ энг камбағал мамлакати “2006 йилдан буён энг юқори қарз миқдорига эга”. Жаҳон банки тегишли ҳисоботни эълон қилди.
Қашшоқ давлатлар ялпи ички маҳсулотида халқаро ёрдамнинг улуши 20 йил ичидаги энг паст даражага тушди, “бу эса уларнинг кўпчилигини ноқулай шартлар асосида молиялаштиришга мажбур қилмоқда.” Натижада, уларнинг давлат қарзи аҳоли жон бошига ўртача йиллик даромади 1145 долларни ташкил этган ҳолда, ЯИМнинг ўртача 72 фоизига етган.
Ҳисоботда таъкидланишича, дунёнинг қолган мамлакатлари иқтисодиёти “сезиларли даражада тикланган” бўлсада, бугунги кунда 26 та энг камбағал давлатнинг иқтисодий кўрсаткичлари COVID-19 пандемияси бошланишидан олдинги даражадан пастлигича қолмоқда.
Қашшоқ мамлакатлар учун энг йирик донор
Ҳозирги кунда Жаҳон банки гуруҳига кирувчи Халқаро тараққиёт ассоциацияси (ХТА) хориждаги энг камбағал мамлакатлар учун арзон молиялаштиришнинг ягона ва энг йирик манбаи бўлиб қолмоқда. У деярли нол фоизли ставкада грантлар ва кредитлар тақдим этади, булар “26 та энг камбағал мамлакатлар учун ҳал қилувчи аҳамиятга эга” ҳисобланади.
ъъХТА иш ўринлари яратиш ва болалар таълимини қўллаб-қувватлади, соғлиқни сақлашни яхшилаш устида ишлади, кўплаб одамларни электр энергияси ва хавфсиз ичимлик суви билан таъминлади“, дейди Жаҳон банки гуруҳининг бош иқтисодчиси ва ривожланиш иқтисодиёти бўйича вице-президенти Индермит Гилл.
У ъъчексиз фавқулодда вазият” ҳолатидан чиқиш учун энг қашшоқ мамлакатлар ъъинвестицияларни мисли кўрилмаган суръатларда тезлаштириши" кераклигини айтди.
Жаҳон банки бош иқтисодчиси ўринбосари ва Истиқболлар гуруҳи директори Айхан Косе, ўз навбатида, паст даромадли мамлакатлар ўзларига ёрдам бериши керак ва бунга қодир эканини таъкидлайди: солиқ базасини кенгайтириш ёки давлат харажатлари самарадорлигини ошириш орқали.
ъъБироқ, бу мамлакатларга чет элдан янада кучлироқ ёрдам зарур бу ҳам савдо ва инвестициялар соҳасида кенг қамровли халқаро ҳамкорлик шаклида, ҳам ХТАнинг кўпроқ қўллаб-қувватлови кўринишида бўлиши керакъъ, дейди у.
Энг камбағал мамлакатлар иқлим ўзгаришидан кўпроқ зарар кўрмоқда
Жаҳон банкининг таҳлили бундай мамлакатлар ривожланаётганларга нисбатан табиий офатларга кўпроқ заиф эканини аниқлади. Ўртача ҳисобда, 2011-2023 йиллар оралиғида улардаги фалокатлар ҳар йили ялпи ички маҳсулотнинг 2 фоизи миқдорида йўқотишларга олиб келган. Бу кўрсаткич даромади ўртачадан паст бўлган давлатларга нисбатан 5 баробар юқоридир.
Дунёнинг энг камбағал мамлакатлари
Энг паст даромадлилар рўйхати 26 та мамлакатни ўз ичига олади:
- Афғонистон
- Бурунди
- Буркина-Фасо
- Марказий Африка Республикаси
- Конго Демократик Республикаси
- Эритрея
- Эфиопия
- Гамбия
- Гвинея-Бисау
- Либерия
- Мадагаскар
- Мали
- Мозамбик
- Малави
- Нигер
- КХДР (Корея Халқ Демократик Республикаси)
- Руанда
- Судан
- Серра-Леоне
- Сомали
- Жанубий Судан
- Сурия
- Чад
- Того
- Уганда
- Яман
Изоҳ (0)