Ал Арабия нашри Ғазодаги Ал-Аҳли касалхонасига берилган авиазарба қурбонлари 800 кишидан ошгани ҳақида хабар берди. Касалхонадаги фожиадан сўнг Яқин Шарқ ва Шимолий Африканинг кўплаб мамлакатларида Фаластинни қўллаб-қувватловчи намойишлар бошланди ва улардан баъзилари ҳамон давом этмоқда, деб ёзади BBC.
Ғарбий Соҳил, Иордания ва Ливанда юзлаб одамлар кўчаларига чиқди.
Ливан пойтахтида минглаб намойишчилар АҚШ элчихонаси олдида тўпланиб, элчихонани қўриқлаётган полиция билан тўқнашди ва миссия панжарасига Фаластин байроғини кўтарди
ОАВ хабарларига кўра, полиция Amerика элчихонасига кетаётган намойишчиларни қўлга олиш ва тарқатиш учун кўздан ёш оқизувчи газ ишлатган.
Бир қанча намойишчилар Франциянинг Байрутдаги элчихонасига тўпланиб, бинога тош отишни бошлади.
Аввалроқ Ливанда жойлашган “Ҳизбуллоҳ” гуруҳи 18 октябрь куни минтақа бўйлаб “ғазаб куни” ўтказишга чақирганди. Анқарадаги Исроил элчихонаси ёнида минглаб одамлар намойишга йиғилди. У ерда полиция намойишчиларни сув пуркагичлар билан тарқатди.
Тунисда намойишчилар Франция ва Буюк Британия элчихоналари олдига йиғилиб, “Францияга ўлим!”, “Британияга ўлим!” дея ҳайқиришди. АҚШнинг Тунисдаги элчихонаси ўтган ҳафта Исроил—ҲАМАС уруши бошланганидан жамоатчиликка ёпилган эди.
Митинглар Миср, Сурия, Ливан, Яман, Ироқ ва Эронда ҳам бўлиб ўтди. АҚШда ва Европанинг кўплаб шаҳарларида катта-кичик намойишлар ўтказилди.
.jpg)
ҲАМАСнинг хориждаги раҳбари Холид Мешал Ғазо секторидаги шифохонага уюштирилган ҳужум фонида мусулмонларни Исроилнинг барча мамлакатлардаги элчихоналари олдида намойишлар ўтказишга чақирган.
17 октябрь куни кечқурун Исроил Ғазо секторидаги Ал-Аҳли касалхонасига авиазарба берди. Расмийлар 500 дан ортиқ одам ўлганини маълум қилди.
Ўз навбатида Исроил шифохонага уюштирилган ҳужум учун “Исломий жиҳод” гуруҳи жавобгар эканини билдирди. Исроил ҳарбийларига кўра, шифохонага гуруҳ томонидан Исроилга отилган ракеталардан бири келиб тушган. “Исломий жиҳод” айбловларни рад этди.
Изоҳ (0)