Ўзбекистоннинг Исроилдаги элчихонаси мамлакатда истиқомат қилаётган ватандошларни эҳтиёт чораларини кўришга чақирди.
sdsfs.jpg)
Элчихона Исроилдаги мавжуд хавфсизлик вазияти сабаб қуйидаги эҳтиёт чораларини кўришни қатъий тавсия қилди:
- Исроилнинг айрим ҳудудларига боришдан сақланинг;
- Исроил расмийлари ва Ўзбекистон элчихонаси ҳамда расмий хабарларини кузатиб боринг. Исроил фронт орти қўмондонлиги (Home Front Cоmmand)дан билдиришнома ва огоҳлантиришлар олиш учун унинг мобил иловаси ёки веб-сайти орқали рўйхатдан ўтинг;
- шахсни тасдиқловчи ҳужжатлар ва Ўзбекистон элчихонасининг алоқа маълумотларини доимо олиб юринг. Фавқулодда вазиятларда бу тезроқ ёрдам олиш имконини беради;
- имкон қадар оломондан қочинг ва жамоат жойларига ташриф буюришни чекланинг.
Ёрдам ёки маслаҳат керак бўлса, Ўзбекистоннинг Исроилдаги элчихонасига қуйидаги рақамлар орқали мурожаат қилиш тавсия этилади:
- 03-672-2466
- 03-672-2371
- 03-758-5075
- 03-758-5076
Фавқулодда ва шошилинч хабарлар учун: 054-485-1397
Электрон почта: ил.uzembassy@mfa.uz
Эрон ва Исроил ўртасидаги уруш эҳтимоли
Апрель ойида ҳам Ўзбекистоннинг Исроилдаги элчихонаси огоҳлантириш билан чиққан эди. Кенг кўламли уруш бошланиши эҳтимоли Исроил 1 апрель куни Эроннинг Дамашқдаги консуллигига ҳужум қилганидан сўнг бошланди. Ҳужум оқибатида 11 киши, жумладан, 2016 йилгача Ливан ва Суриядаги “Қудс” элита кучларига раҳбарлик қилган Эрон ҳарбий маслаҳатчиси генерал Муҳаммад Ризо Зоҳидий, унинг ўринбосари генерал Муҳаммад Ҳоди Ҳожи Раҳимий ва яна беш эронлик зобит ҳам ҳалок бўлди. Шунингдек, уч нафар Сурия ва бир нафари Ливан фуқароси вафот этди.
Эроннинг БМТ миссияси зарбани теракт деб баҳолади. Эрон ташқи ишлар вазири Ҳусайн Амир Абдуллаҳиён мазкур ҳужум муносабати билан Америка жавобгарликка тортилиши кераклигини айтди. Шундан кейин АҚШ разведкаси Исроилни Эроннинг жавоб зарбаларидан огоҳлантирди. Бунинг фонида Исроил бир қатор давлатлардаги элчихоналарини вақтинчалик ёпди ва ходимларга ишга келмаслик сўралди.
31 июль куни ҲАМАС сиёсий бюроси раҳбари Исмоил Ҳания Теҳрондаги қароргоҳига қилинган ҳужум оқибатида ҳалок бўлди. У билан бирга тансоқчиси ҳам вафот этган. ҲАМАС ва Ислом инқилоби қўриқчилари корпуси ҳужумни тасдиқлаб, Исмоил Ҳания Исроил ҳужуми оқибатида ҳалок бўлганини билдирди.
Изоҳ (0)