Афғонистонда ИШИД ва “Ал-Қоида” халқаро террористик ташкилотлари қайтадан фаоллашмоқда. Бу ҳақда The Telegraph нашрида чоп этилган мақолада қайд этилган.
МИ5 бош директори Кен Маккалум ҳар икки ташкилотнинг қайта тикланишидан хавотир билдириб, ИШИД Британияга ҳам таҳдид солиши мумкинлигини маълум қилган. АҚШ Марказий қўмондонлиги раҳбари Майкл Курилла эса ИШИД Сурия ва Ироқда қайтадан кучайиб хорижда ҳужумлар уюштиришга қодир экани ҳақида огоҳлантирган.
2021 йилда “Толибон” Афғонистон ҳокимиятига келгандан сўнг “Ал-Қоида” мамлакатда қайта кучая бошлаган. Ушбу ташкилот 2001 йилгача, яъни Афғонистонда энг фаол бўлган пайтларда ҳам ҳозирги каби ишларни амалга ошира олмаган.
“Толибон”ни кузатиб борувчи БМТ гуруҳининг 2022 йил апрель ойидаги ҳисоботида, “Толибон” “Ал-Қоида” билан “яқинлигича қолаётгани”, “Ал-Қоида” “Толибон” қўли остида хавфсиз бошпана ва ҳаракат эркинлигини оширганини маълум қилган.
Афғоншунос олим Суҳроб Бўронов “Ал-Қоида” Афғонистоннинг Панжшер водийсида 9 та ўқув лагери ва ҳаттоки ўқ-дори омборлари қуришга эришганни ёзмоқда.
Август ойида АҚШнинг учувчисиз самолёти Кобулда “Ал-Қоида” етакчиси Айман ал-Завоҳирийни ўлдирган эди. Хабарларда айтилишича, Завоҳирий “Толибон” ёрдамчисининг (Ҳаққоний тармоғи) уйида яшаган ва “Ал-Қоида”нинг бошқа етакчилари ҳам Афғонистонда бошпана топгани тахмин қилинади. Бирлашган Миллатлар Ташкилотининг ҳисоботида ҳам “Ал-Қоида” Афғонистондан ёллаш, ўқитиш ва маблағ йиғиш учун ъдўстона муҳитъ сифатида фойдаланиши мумкинлиги таъкидланади. Афғонистон қаршилик кучларининг айтишича, “Ал-Қоида” Панжшер водийсида 9 та ўқув лагери ва ҳаттоки ўқ-дори омборлари қуришга эришган”, дейди Суҳроб Бўронов.
Шунингдек, у “Толибон” ИШИД—Хуросон бўлими томонидан чет эллик жангаларни ёллашга тўсқинлик қила олмаётганини қўшимча қилган.
ИШИД—Хуросон бўлими “Толибон”нинг мамлакатдаги асосий рақиби сифатида кўрилса-да, унинг фаолиятига тўлиқ барҳам бера олгани йўқ. Натижада “Толибон” кучлари ИШИД—Хуросон бўлими томонидан чет эллик жангариларни ёллашга, ҳажми, кўлами ва географик амбицияларининг ортишига тўсқинлик қила олмаяпти”, дея ёзган сиёсатшунос.
Таҳлилчилар фикрича, гуруҳнинг фаоллашувига 2022 йил охирида Хитой, Покистон ва Россиянинг Кобулдаги элчихоналарига уюштирган ҳужумларини мисол қилиб келтиришнинг ўзи кифоя. БМТ мониторинг гуруҳига кўра, бу ҳужум гуруҳнинг мавқеини оширган ва ўзини “Исломий давлат” деб эълон қилган ташкилотни гуруҳ учун қўшимча миллионлаб доллар маблағ ажратилишига олиб келган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)