Тожикистон миллий терма жамоаси ноябрь ойида Россия билан ўртоқлик ўйини ўтказишдан бош тортди.
Тожикистон футбол федерацияси бунинг сабабини жамоанинг ноябрь ойидаги халқаро танаффус даврида ўтказиладиган ўйинлари аллақачон режалаштирилиб қўйилганлиги билан тушунтирди.
“Россия Футбол Иттифоқи июнь июль ойларидаёқ таклиф билан чиққан эди, бироқ ноябрь ойига уй учрашувларини ўтказишни режалаштирганмиз”, — дея маълум қилди Тожикистон футбол федерацияси.
Илгари хабар қилинганидек, Россия Футбол Иттифоқи Сурия ва Туркманистон терма жамоалари билан ўртоқлик ўйинлари ўтказиш бўйича келишувга яқин турибди.
Шунингдек, Россиянинг 11 октябрга мўлжалланган Покистон билан ўйини ҳам ноябрь ойига кўчирилиши мумкин.
Эслатиб ўтамиз, FIFA ва UEFA 2022 йил баҳорида Россия терма жамоасини четлатганди, шунингдек, Россия клублари ташкилотлар тасарруфидаги барча мусобақаларда иштирок этмаяпти.
Изоҳ (0)