“Жуманжи” фильми ҳақида кўпчилик билмайдиган 15 та қизиқарли факт

“Жуманжи” — 1995 йилда суратга олинган ёрқин, қизиқарли ва ғайриоддий сюжетга эга афсонавий фильм. Албатта, кўпчилик бу фильмни бир неча бор қайта кўрган. Қуйида мазкур фильмга доир қизиқарли фактларни ҳавола қиламиз.

1. “Жуманжи” фильми 80 йилларнинг охирида чиқарилган худди шу номдаги болалар китобига асосланган. Аммо асардаги воқеа фильмдаги каби қўрқинчли бўлмайди. Китобда Алан ва Сара каби персонажлар ҳам бўлмаган — улар  фильм учун махсус ёзилган.

3. Бугунги кунда “Жуманжи” фильмидаги жониворлар нореал кўринишга эга, аммо бу ҳайвонларнинг мўйнаси тўлиқ компьютерда яратилган биринчи фильмдир.

4. Дастлаб Алан ролига Брюс Уиллисни чақиришган, аммо у бошқа фильмда суратга тушиш билан банд бўлгани учун рад этган. Охир-оқибат рол Робин Уильямсга таклиф қилинади. Тўғри, ҳамма ҳам Робин Уильямс номзодини ёқламайди, чунки унинг импровизация қилишни яхши кўришини ҳамма биларди. Аммо Уильямс сценарийга амал қилишга рози бўлади, камдан-кам ҳолларда импровизация қилади.

5. Жуди ролига ёш Скарлетт Йохансон ҳам кастинг топширади. Аммо барчамизга маълумки, рол ёш актриса Кирстен Данцга насиб қилади.

6. Актёр Жонатан Хайд Алан Перришнинг отаси ва ўйиндаги овчи ролини ўйнайди. Бу тасодифан эмас — Алан отасини яхши кўрса ҳам, ундан қўрқарди, шунинг учун овчи ҳам унинг болаликдаги ўзига хос қўрқувига айланади.

7. Актёр Робин Уильямс актриса Бони Хантдан 10 ёш катта, аммо фильмда улар тенгдошлар образини яратган.

8. “Жуманжи” фильми танқидчилар томонидан кескин танқид қилинади. Бунинг устига гап фильмнинг ўзи уларга ёмон туюлганида эмас, балки улар болалар эртагини кўришни кутишганида эди. Ҳатто Робин Уильямс ҳам болалари улғаймагунча бу фильм томоша қилишларига рухсат бермаган.

9. Фильм ижодкорлари ҳайвонларга нисбатан шафқатсиз муносабатда бўлгани учун судга тортилади. Шу билан бирга, ҳайвонот дунёси ҳимоячилари суратга олиш пайтида филнинг жароҳат олганига алоҳида эътибор қаратишади. Бу бемаъни туюлса-да, аммо муаллифлар ҳақиқатан ҳам судда барча ҳайвонлар ҳақиқий эмаслигини исботлашга мажбур бўлишади.

10. Сўнгги саҳна — Рождество байрами биринчи бўлиб суратга олинади, чунки ижодкорлар вайрон бўлишидан олдин уйни мукаммал ҳолатда суратга олишни хоҳлашади.

11. Фильмдан иккита финал саҳна кесиб ташланган. Уларнинг биринчисида қора танли фабрика ходими, кейинчалик компания раҳбари бўлган Карл Алан ва ҳамкасбига янги пойабзал кўрсатади. Иккинчи саҳнада эса Рождество кечасида Жуди укаси билан совғаларни очиб, у ерда “Жуманжи” деб ёзилган пойабзални кўришади.

11. Овчи қурол-яроғ дўконига кирганда орқа фонда Мексика мадҳияси янграйди. Аммо Мексиканинг ўзида норозиликнинг олдини олиш учун, фильмнинг Мексика версияси учун махсус фон мусиқаси бошқасига ўзгартирилади.

14. Фирибгарлик қилгани учун Питер нафақат маймунга ўхшаб қолади, бундан ташқари, ўйин унинг фишкасини энг бошидаёқ мослаштириб берган.

15. Алан ҳеч қанақасига ғалаба қозона олмасди. Гап шундаки, ҳар бир ўйинчининг йўли 31 катакдан иборат. Болалигидан бошлаб, Алан 5 ни, қандайдир номаълум сонни, 7 ни ва 3 ни чиқариб ташлайди. Номаълум сон остида 12 (максимум) бўлганда ҳам йиғиндида 31 эмас, 27 ҳосил бўларди.

16. Фильм чиққанидан бир оз вақт ўтгач, худди шу номдаги мультфильм ишланади.