Мультфильмлар болалар учун яратилади, деган фикр хато эканини қуйидаги асарларни томоша қилиб тушуниб оласиз.
“Ўлаксахўрлар қироллиги”
Коинот тубида юк кемаси қулайди — энди экипаж мутлақо нотаниш ва ўта хавфли сайёрада омон қолиши керак. Мазкур мультфильмнинг асосий афзаллиги шундаки, кўпчиликдан фарқли ўлароқ, муаллифлар керакциз воқеаларга вақт сарфламайди. “Ўлаксахўрлар қироллиги”нинг ҳар бир дақиқаси бебаҳодир.
“Нинзя Камуи”
“Нинзя Камуи” — ўз қабиласидан Америкага қочиб кетган собиқ нинзя ҳақида ҳикоя қилади. Аммо уни топиб, ўлдиришга ҳаракат қилишади. Ўликхонада ҳушига келган бош қаҳрамон жиноятчлардан қасос олишга қарор қилади.
“Ҳақиқий ғам”
Сатоши Коннинг мазкур асари болаларга тавсия қилинмайди — маълум бир ёшга қадар бундай мультфильмларни тушуниш жуда қийин. Сюжет воқеалари актриса бўлишга қарор қилган собиқ қўшиқчи атрофида содир бўлади. У номаълум одамнинг таъқиби туфайли аста-секин ақлдан озади.
“Тўққиз”
Инсониятни қутқариш калитига эга бўлган қўғирчоқлар бўлган фантастик дунё ҳақидаги эртак. Мультфильмга Константин Хабенский, Валерий Золотухин, Гуф, Владимир Турчинский, Тутта Ларсен ва бошқалар овоз берган.
“Акира”
Бу катталар учун япон анимациясининг ҳақиқий классикаси. Анимеда ўтган аср давомида ва ундан кейинги кунларда кўтарилган мамлакатни ташвишга солган барча мавзулар — ядро уруши, тоталитаризм, диктатура, одамлар устида ўтказилган парапсихологик тажрибалар тасвирланади.
“Евангелион”
Болаларга томоша қилиш тавсия этилмайдиган яна бир асар — “Евангелион” инсон ва унинг руҳий тушкунлигининг барча қирраларини ҳақиқий психологик аспектда ўрганади.
“Ван Гог. Муҳаббат билан, Винсент”
Буюк рассом ҳаёти ҳақида бадиий асар яратиш ниҳоятда машаққатли иш. Бундан ташқари, бу бўзга мойбўёқ билан чизилган дунёдаги биринчи мультфильмдир. Ван Гогни севувчилар учун ҳақиқий совға.
“Малика Мононоке”
Ҳаяо Миязаки бўлмаганида, бу рўйхат тўлиқ бўлмасди. Эътиборли жиҳати шундаки, унинг анимациялари томошабиннинг ёшидан қатъи назар долзарб бўлиб қолаверади.
“Мовийкўз самурай”
Эдо даврида Японияда Ғарбдан келган одамларга нисбатан ўзига хос муносабат мавжуд эди, шунинг учун бош қаҳрамон бошқалар орасида ишонч қозонолмайди. Ва у ўзини четга сурганлардан ўч олишга қарор қилади. Анимация, сюжет, мусиқа — бу сериалдаги ҳамма нарса шунчаки юқори даражада.
“Муҳаббат. Ўлим. Роботлар”
Бу турли мавзулардаги мустақил қисқа ҳикоялар тўпламидир. Қайсидир маънода асар “Қора ойна”ни эслатади, чунки сериални фантазия мавзуси бирлаштиради.
“Аркейн”
Мультфильм ижодкорлари томошабинлар энг кўп қизиққан ўйин дунёси ҳақида ҳикоя қилишади, чунки бу ўйиннинг ўзида етарли даражада очиб берилмаган.
Изоҳ (0)