5–11 ёшли болалар учун тавсия этилган энг яхши 10 та мультфильм

XXI аср замонавий анимация саноати минглаб турдаги мультфильмларга бой. Катта танлов олдида турган ота-оналар фарзандига қайси мультфильмни қўйиб бериш ва у болага қандай таъсир кўрсатиши ҳақида бош қотиради. Бу борада биз сизга ёрдам беришга қарор қилдик: қуйида беш ёшдан ўн бир ёшгача бўлган болаларга манзур бўладиган фойдали ва қизиқарли мультфильмлар тўпламини тақдим этамиз.

1. Робин Гуд (1973)

   

Уолт Disney студияси томонидан ишланган ушбу мультфильм аллақачон классикага айланган. Фильмда қўрқмас ва жасур ўрмон қароқчиси дўстлари билан бирга турли ёвузликлар билан курашгани акс этади. Мультфильм қаҳрамонлари антропоморф ҳайвонлардир. Масалан, Робин Гуд — тулки, унинг содиқ ёрдамчиси Жон — айиқ.

2. Аждарҳолар парвози (1982)

   

Мультфильм Питер Диккинсон исмли камбағал ихтирочи ҳақидаги сеҳрга тўла ҳикоядир. Бош қаҳрамон тўсатдан сеҳргарлар ва аждарҳолар яшайдиган параллел дунёга келиб қолади. У ерда Питерни турли саргузаштлар кутади. Питер тасодифан маҳаллий сеҳргарлардан бири ­— аждарҳо Горбаш уй ҳайвони танасига тушиб қолади.

3. Юлдузли патрул: Орин афсонаси (1985)

   

Ер остидаги “Шахта дунёси”да шафқатсиз ҳукмдор Зигоннинг назорати остида ҳеч қачон қуёш нурини кўрмаган одамлар ишлайди. Улардан бири Орин афсонавий қиличнинг дастасини очмагунча бу давом этади. Йигитнинг олдида янги ақл бовар қилмайдиган дунё очилади.

4. Хазиналар ороли (1988)

   

Собиқ совет даври аниматорлари афсонавий капитан Флинтнинг хазинасини излаш ҳақида ажойиб мультфильм яратди. Унда ҳатто қонхўр қароқчилар билан жанглар қўрқинчли эмас, балки кулгили туюлади. Жасур Жим Хокинс, доктор Ливси ва капитан Смоллеттнинг саргузаштлари эса ҳеч кимни бефарқ қолдирмайди.

5. Ўйинчоқлар ҳикояси (1995)

   

Энди исмли болакай ўйинчоқлари у хонани тарк этганда жонланишини билмайди. Узоқ вақт давомида эгасининг севимли ўйинчоғи Вуди ковбой эди. Аммо бир куни болакай хонасида ўзига ишонган космик рейдчи Базз пайдо бўлади ва Вуди Эндининг эътиборини йўқота бошлайди. Pixar компаниясига тегишли ушбу мультфильм дўстлик, ўзаро ёрдам ва ишонч ҳақидаги таъсирли ҳикоя билан томошабинларни қувонтиради.

6. Махлуқлар уюшмаси (2001)

   

Мультфильмдаги воқеалар Монстрополис деб номланган уйдирма шаҳарда бўлиб ўтади. У ердагилар болалар қичқириғини электр манбаи сифатида ишлатади. Бундай энергия манбаини қазиб олиш билан Махлуқлар уюшмаси компанияси шуғулланади. Корхона ходимлари ҳар куни бутун дунё бўйлаб болалар хоналарига шкаф эшиклари орқали кирадилар. Шу билан бирга, ҳайвонлар бирорта ҳам бола Монтрополис шаҳрига кирмаслигини қатъий таъминлайди, чунки болалар қичқириғи шаҳардаги электр тармоқларида носозликларга олиб келиши мумкин.

7. Чақмоқ Маквин (2006)

   

Мультфильмнинг асосий қаҳрамони Маквин номли пойга автомобилидир. У доимо ғалаба қозонишни яхши кўради ва машҳур Пистон кубоги мусобақасида ҳам ғолиб чиқишни орзу қилади. Бироқ шаҳарга кетаётган пайт Маквин йўлда адашиб қолади ва у ердаги маҳаллий аҳоли билан яқиндан танишади ва янги дўстлар орттиради.

8. Волт (2008)

   

Волт лақабли ит бутун умрини киностудияда ўтказади ва телесериалда супер қобилиятларга эга ит сифатида рол ўйнайди. У юксак кучга эга, уча олади ва қуроллар итга таъсир қилмайди.

9. Аждарҳони қандай бўйсундириш керак? (2010)

   

Олух оролидаги викингларни доимий равишда уйларни ёқиб юборадиган ва чорва молларини ўғирлайдиган аждарлар безовта қилади. Аммо бошлиқнинг 15 ёшли ўғли ихтироси билан катапульта билан ноёб аждарҳони уриб туширгач, ҳаммаси ўзгаради. Бироқ бола ярадор жонзотни ўлдиришни истамайди ва ўзи билан олиб қолади. Ушбу мультфильм анимация классикаси ва DreamWorks’нинг энг яхши фильмларидан бири ҳисобланади.

10. Тузатиб бўлмас Рон (2021)

    

Уятчан Барнининг барча синфдошларида дўстлари — гаплашувчи роботлари бор. Барнига ниҳоят робот берилганида у ўзини чинакам бахтли ҳис қилади: у энди синфдошлари билан тенглаша олади. Бироқ Рон исмли робот нуқсонли бўлиб чиқади ва унинг ёш эгаси роботга ҳамма нарсани бошидан ўргатишга мажбур бўлади.