Ушбу рўйхатдаги мультфильмлар қўғирчоқ ва пластилин ёрдамида суратга олинган ҳатто, мойли ва акварел расмлар асосида яратилган картиналарни ҳам топишингиз мумкин.
“Уддабурон жаноб Фокс”
- АҚШ, 2009 йил.
- Комедия, саргузашт, драма.
- Давомийлиги: 87 дақиқа.
- IMDb: 7.9.
Мультфильмда айёр тулки ҳақида ҳикоя қилинади, у хотинининг ҳомиладорлигини билиб, жиноий фаолиятини тўхтатишга ваъда беради. Аммо барибир у хавфли вазиятларга олиб келадиган саргузаштларга аралашиб юраверади.
Машҳур Уэс Андерсон нафақат “Тўлин ой қироллиги” ва “Гранд Будапешт меҳмонхонаси” услубидаги эски мактаб трагикомедияларини суратга олишни билади — у стоп-моушн қўғирчоқ анимациясида ҳам маҳоратини намойиш қилади. “Уддабурон жаноб Фокс” фильмида Андерсон фильмларининг барча энг яхши хусусиятларини сақлаб қолади: драма ва ҳазил уйғунлиги, замонавий картина, қизиқарли ҳикоя. Анимация унга тасаввур учун қўшимча имкониятлар беради.
Ҳамма ҳаракатни тезроқ ва силлиқроқ кўрсатишга ҳаракат қилаётган бир пайтда, унинг қаҳрамонлари шунчаки ўз жойларида қотиб қолишлари ва бир-бирига қарашлари мумкин.
“Ван Гог. Муҳаббат билан, Винсент”
- Буюк Британия, Польша, АҚШ, 2017 йил.
- Биография, драма.
- Давомийлиги: 94 дақиқа.
- IMDb: 7.8.
Винсент ван Гогнинг ўлимидан сўнг, почта бошлиғи рассомнинг акаси Теога юборишга улгурмаган хатни топиб олади. У ўғли Арманга манзилни топишни буюради. Аммо маълум бўлишича, Тео ҳам вафот этган ва унинг рафиқаси эс кетган эди. Арман буюк рассомнинг сўнгги кунларида содир бўлган воқеаларга тобора кўпроқ қизиқа бошлайди.
Ван Гогнинг ҳаёти ҳақида кўплаб фильмлар яратилган — баъзилари ишонарли, баъзиларига эса унчалик ишониб бўлмайди.
Мультфильмни яратиш учун муаллифлар Ван Гог услубидан илҳомланган ва чексиз манзаралар яратган 125 нафар рассомни ёллаган. Улар ротоскопинг технологиясидан фойдаланишади: яъни улар ҳақиқий актёрларни суратга олишади, кейин уларни қайта чизишади.
“Беллвиллялик учовлон”
- Франция, Бельгия, Канада, 2003 йил.
- Комедия, саргузашт, драма.
- Давомийлиги: 80 дақиқа.
- IMDb: 7.7.
Болалигидан бувиси набираси Чемпионни велосипед пойгаларида қатнашишга ўргатган. Аммо мусобақа пайтида у ва яна икки спортчи жиноятчилар томонидан ўғирлаб кетилади. Кейин бувиси набирасини излаб, йўлга тушади ва қизиқарли мусиқий трио билан учрашади.
Агар сиз ушбу француз мультфильмидан кадрлар ёки алоҳида парчаларни кўрсангиз, эҳтимол сиз у 70 йил олдин суратга олингандек ҳис қиласиз. Мультфильмда ҳамма нарса мусиқа ва визуал ҳикоялар асосида қурилган ва ажойиб расм эскиз китобидаги чизмаларни эслатади — ўтмишнинг ажойиб илиқ муҳитини яратади. Рассом Евгений Томов ушбу мультфильм учун 800 тагача фон чизишига тўғри келган.
“Ботинка кийган чиғаноқ Марсель”
- АҚШ, 2021 йил.
- Фантастика, драма.
- Давомийлиги: 90 дақиқа.
- IMDb: 7.7.
Ҳужжатли фильм режиссёри Дин ажрашгандан сўнг ижарага олган уйига кўчиб ўтади ва бу ерда гапирадиган чиғаноқ Марсель бувиси Нана Конни билан яшашини билиб олади. Эркак янги танишлар ҳақида видео ёзишни бошлайди ва бу интернетда сенсацияга айланади. Шунда Марсель вазиятдан фойдаланиб, қариндошларини топишга қарор қилади.
Мультфильм режиссёр Дин Флейшер-Камп 2010 йилда суратга олган худди шу номдаги қисқа метражли фильмдан келиб чиққан. Дарҳақиқат, "Марсель" фантастик фильмнинг элементларини ҳам ўз ичига олади: вақти-вақти билан кадрда ҳақиқий одамлар ва ҳайвонлар пайдо бўлади. Суратга олиш ишлари ҳам ҳақиқий уйларда, кўчаларда ва машиналарда бўлган. Аммо барибир асосий ҳаракат кадрма-кадр анимация тамойили асосида қурилган.
“Пиноккио Гилермо дел Торо”
- АҚШ, Мексика, Франция, 2022 йил.
- Фантастика, драма.
- Давомийлиги: 117 дақиқа.
- IMDb: 7.6.
Биринчи жаҳон уруши пайтида Жепеттонинг ўғли бомбадан ҳалок бўлди. Бир неча ўн йиллар ўца ҳам ўғлидан айрилганини унутолмаган уста ёғочдан Пиноккио қўғирчоғини ясайди. Аммо Муссолинининг кучи мамлакатда эндигина гуллаб-яшнамоқда эди. Золимнинг хизматкорлари ёғоч болага қизиқишади, чунки уни ўлдириб бўлмайди, демак у идеал аскар. Бу орада қизиқувчан Пиноккио фашизмни улуғлайдиган театрга бориб қолади.
“Келлс сири”
- Ирландия, Бельгия, Франция, 2008 йил.
- Фантастика, саргузашт.
- Давомийлиги: 71 дақиқа.
- IMDb: 7.5.
12 ёшли Брендан Ирландиядаги амакиси бошқарадиган Келлс аббатлигида яшайди. Роҳиблар ўзларини викинглар босқинидан ҳимоя қилиш учун кўп вақтларини баланд девор қуришга сарфлайдилар. Аммо бир куни талон-тарож қилинган монастирдан қочган Айдан уларнинг олдига келади ва ниҳоятда чиройли китоб олиб келади. Китобни иллюстрациялар билан тўлдириш Бренданнинг зиммасига тушади.
“Товуқхонадан қочиш”
- Буюк Британия, Франция, АҚШ, 2000 йил.
- Комедия, саргузашт.
- Давомийлиги: 84 дақиқа.
- IMDb: 7.1.
Воқеалар товуқлар доимо қўрқувда яшайдиган фермада бўлиб ўтади: агар тухум қўйишмаса, улар дарҳол сўйилади. Фақат қайсар Жинжергина бу билан курашишга ҳаракат қилмоқда. Бир куни товуқлар учун умид нури пайдо бўлади: хўроз Рокки фермага учиб келади, у товуқларга учишни ўргатиши мумкин. Бироқ у ниманидир яширмоқда.
Британиялик Ник Парк — пластилин мультфильмларининг энг машҳур замонавий яратувчиси. Албатта, кўпчилик “Уоллс ва Громит” ёки ҳеч бўлмаганда “Қўзичоқ Шон”ни кўрган. Аммо унинг энг катта лойиҳаси — “Товуқхонадан қочиш” ҳисобланади..
Изоҳ (0)