Болалигимизда газетада чоп этилган теледастурни диққат билан кузатиб, қачон мультфильмлар кўрсатилишини излардик. Уларни ҳайрат билан томоша қилган ҳолда кичик хатолар ва номувофиқликларга эътибор ҳам бермасдик.
“Учар кема”
Забава очган сарой дарчаларидаги ромб шаклидаги тешик бир кадрда бор, бир сониядан кейин эса йўқ бўлиб қолади. Аммо кейинги кадрларда малика ликопчаларни ташлашни бошлаганида, рассомлар ҳамма нарсани тўғри — юқори хонанинг ички қисмидаги кўринишга мувофиқ чизишган.
“Простоквашинолик учовлон”, “Простоквашинодаги байрамлар”, “Простоквашинода қиш”
Мультфильмдаги мушук Матроскиннинг ўнақай ёки чапақай эканлигини билиб бўлмайди. У чап панжаси билан тикув машинасининг дастасини айлантиради, лекин ўнг қўли билан гитара чалади, ёзаётганда ҳам қаламни ўнг қўлида ушлайди.
Простоквашино ҳақидаги мультфильмнинг барча қисмларида Фёдор амаки бошқача тасвирланади. Болалигимиздан 3 хил Фёдор амакини томоша қилганмиз.
Дарҳақиқат, ҳар 3 қисмдаги қаҳрамонлар образлари турли рассомлар томонидан яратилган ва уларнинг ҳар бири персонажлар ҳақида ўзига хос тасаввурга эга эди. 2-қисм чиққандан кейин лойиҳани тарк этган мультфильм муаллифи Левон Хачатрян шундай дейди: “Агар барча Фёдор амакини ёнма-ён қўйсангиз, булар бутунлай бошқа болалар эканлиги аён бўлади”.
Ташқи кўринишдаги ўзгаришлар Фёдор амакининг онасида ҳам бор — унинг кўз ранги доимо ўзгариб туради.
“Митти енот”
Енот маймун билан гаплашаётганда, унинг думи бир лаҳзага йўқолади, кейин яна томошабинлар кўз ўнгида пайдо бўлади.
“Кичкинтой ва Карлсон”
“Кичкинтой ва Карлсон”нинг баъзи саҳналарида бош қаҳрамоннинг орқасидаги парраги йўқолиб қолганини кўриш мумкин.
Ажабланарлиси шундаки, телевизор экранидаги соҳибжамол билан бирга, нафақат қурилманинг сими, балки вилка уланган розетка ҳам изсиз йўқолади.
“Қорбобо ва ёз”
Мультфильмнинг 21-сониясида томошабинлар бош қаҳрамоннинг чап томонида аллақачон бўялган қорбобо ўйинчоғи борлигини кўради. Бироқ кейинги сонияда унинг қўлидаги ўйинчоқ бўялмаган ҳайкалчага айланади.
“Винни Пух”
Бош қаҳрамонлар ташриф буюрган Қуённинг уйидаги ойнада негадир айиқнинг акси кўринади, чўчқачаники эса йўқ.
Шу каби Винни Пух ва чўчқача қуённинг олдига келганида соат зинапоядан унчалик узоқ бўлмаган жойда осилиб турарди. Бироқ улар кетишаётганида соат жойида йўқ эди.
“Уй ажинаси Кузя”
Воқеа бошида Наташа ошхонани супураётганда дераза остида радиатор йўқ, лекин бир мунча вақт ўтгач, у сирли равишда пайдо бўлади.
“Дюймчахон”
Аслида бир дюйм 2,54 сантиметр, шунда митти қизалоқнинг бўйи одам бармоғидан анча кичик бўлади. Аммо нега Дюймчахонни кўтарган аёлнинг бармоқлари унинг бўйига деярли тўғри келиши сирлигича қолмоқда.
“Этик кийган мушук”
Ажойиб ўзгаришлар “Этик кийган мушук” кийимларида ҳам содир бўлади. Аввалига у мутлақо ҳеч нарсасиз пайдо бўлади, кейин у камар таққан ҳолда кўрсатилади, навбатдаги кадрда у этик кийган, аммо камарсиз. Ниҳоят у йигитдан камарни олади-да ўзи тақиб олади ва саҳна охирида тўлиқ кийинган ҳолда кўринади.
“Маугли”
Мауглининг бўйнидаги қизил ханжар итлар қувлаган саҳнада бир неча марта ғойиб бўлади.
“Воронеж кўчасидаги мушук”
Эпизодлардан бирида туяқуш орқасида сирли равишда қум уюми пайдо бўлганини кўриш мумкин — айнан у бошини ерга тиқиб олмоқчи бўлган пайтда.
Дастлаб палма дарахти остида кокос ёнғоғининг 3 та бўлаги бор эди, кейин улар 2 та бўлиб қолади.
“Сеними, шошмай тур”
Бўри ва қуённинг саргузаштлари ҳақидаги ушбу мультфильм кадрларида қудуқ арқонлари бошқача ўралган.
“Леопольд лақабли мушук”
Леопольд оролда қолиб кетганида ҳимоя сифатида ишлатган това бир ғойиб бўлади, бир оздан сўнг яна ўша жойда пайдо бўлади.
Консерва идишнинг катталиги ҳам тушунмовчиликка сабаб бўлади.
Изоҳ (0)