Universal ва DreamWorks Animation компаниялари томонидан ишлаб чиқилган “Ёввойи робот” анимацион фильмининг бутун дунё бўйлаб касса миқдори 300 миллион доллардан ошди. Фильм касса тушумларини камайтирадиган рақамли форматда бўлишига қарамай, лойиҳа рейтинги 90 фоизга етди.
Кимсасиз оролдаги ғоз боласига она бўлиш учун импровизация қилишга ва ҳар куни ўз дастурини янгилашга мажбур бўлган робот ҳақидаги ҳикоя шу йилнинг сентябрь ойида катта экранларга чиқди. Фильм ўзининг нафақат чиройли анимацияси учун, балки танқидчиларнинг ижобий шарҳлари туфайли (Rotten Tomatoes’да 98 фоиз) катта муваффақиятга эришди. Кино танқидчиларнинг барчаси бир овозда “Ёввойи робот”ни оилавий томоша қилиш учун келажак классикаси намоёндаси эканини таъкидламоқда.
Алоҳида қайт этиш лозимки, анимацион фильм ҳеч қайси лойиҳанинг сиквели бўлмаган, 2024 йилги янги фильмлар орасида етакчи ўринни эгаллади.
Қаҳрамонларга Лупита Нёнго, Педро Паскал, Билл Наййи, Марк Ҳемилл, Кетрин O’Ҳара ва бошқа актёрлар овоз берди. “Аждарҳони қўлга ўргатиш”, “Крудлар оиласи” ва “Лило ва Ститч” лойиҳалари муаллифи Крис Сандерс фильмга режиссёрлик қилди.
Ноябрь ойида яна бир мультфильм — Disney томонидан “Моана”нинг сиквели тақдим этилиши кутилмоқда. Ушбу мультфильмнинг биринчи қисми кўришлар сони бўйича Disney+ стримингида мутлақ ҳитга айланган.
Изоҳ (0)