XXI асрнинг энг нуфузли ва таниқли анимацион франшизаларидан бири бўлган “Шрек” анимацион фильмининг бешинчи қисми 2025 йилда чиқиши мумкин. Бу ҳақда комедияда қувноқ эшакка овоз берган актёр Эдди Mёрфи Collider нашрига берган интервьюсида маълум қилди. Актёр эшак образига қайта овоз бериши ҳақида ҳам тўхталиб ўтди.
Бундан ташқари, Mёрфининг сўзларига кўра, у аллақачон ўзининг ажойиб образи учун бир нечта кулгили ибораларни ёзиб олган. Франшизанинг бешинчи қисми бўйича ишлар эса бир неча ойдан бери давом этмоқда.
Эдди Mёрфи Шрек оламидаги яна бир лойиҳа — сўзловчи эшак ҳақидаги алоҳида мультфильм чиқишини эълон қилди. Унинг фикрича, Dreamworks компанияси мазкур спин-офф устида Шрек-5 чиққанидан сўнг ишлай бошлайди.
Фото: YouTube
“Шрек” комедиясининг бешинчи қисми устида иш бошлаганлиги ўтган йилнинг апрель ойида маълум бўлган эди. 2023 йил ноябрь ойида Универсал компаниясида амалиёт ўтаётган киши тасодифан ўзининг резюмесида фильмнинг чиқиш санасини ошкор қилди.
“Шрек” мультфильмининг янги қисмидаги ишларнинг қайта тикланиши кассаларда қарийб 500 миллион доллар йиғган “Этик кийган мушук: Сўнгги истак” мультфильми муваффақияти билан боғлиқ. 2010 йилда “Шрек-4” премьерасидан сўнг DreamWorksънинг соф даромади икки баравар кўпайиб, 188,9 миллион долларга етди.
Ҳозирда франшизанинг сўнгги мультфильми 2010 йилда чиққан “Шрек бир умрга” фильмидир. 2022 йилда “Этик кийган мушук” мультфильмининг давоми бўлган “Этик кийган мушук 2: Сўнгги тилак” фильми чиққан.
Изоҳ (0)