Pixar ва Disneyънинг “Бошқотирма-2” анимацион фильми премьерасининг илк кунида 62 миллион доллар тўплади. Бу 2024 йил учун янги рекорддир, деб ёзади “Правила жизни” нашри.
Мультфильм премьераси АҚШда 13 июнь куни бўлиб ўтган. Мутахассисларнинг фикрича, фильминг иккинчи қисми бир қатор касса кўрсаткичлари бўйича “Дюна-2” ва “Барби”ни ортда қолдирди. Бошқотирма-2” жаҳон кинопрокатида 133 миллион доллардан ортиқ даромад келтирди.
Pixar Animation Studios мазкур лойиҳага 200 миллион доллар сармоя киритди. Натижада кенг жамоатчилик ва танқидчиларнинг ижобий баҳосига сабаб бўлган мультфильм компания обрўсини тиклашга ёрдам берди.
Сиквел Pixar студиясининг тарихдаги энг яхши бешта лойиҳаларидан бирига (“Супер оила”, “Дорини излаб”, “Ўйинчоқлар тарихи” каби) айланиши мумкин.
Мультфильмнинг биринчи қисми 2015 йилда намойиш этилган, унда Райли исмли қизалоқнинг миясида яшайдиган бешта ҳиссиёт: Қувонч, Қайғу, Қўрқув, Ғазаб ва Ташвиш ҳақида ҳикоя қилинади. Райли аста-секин улғайиб боради, бу унинг ҳис-туйғуларини хотирасида сақлаб қолишга ва ҳалокатли ўзгаришларнинг олдини олишга ёрдам беради.
“Бошқотирма” сиквелининг режиссёри Келси Манн, сценарий муаллифи Мег Лефов. Пит Доктер ва Марк Нилсен эса лойиҳа продюсерларидир. Мультфильм қаҳрамонларига Майя Хоук, Эми Полер, Филлис Смит, Льюис Блек, Тони Хейл ва Адел Экзаркопулос каби актёрлар овоз берган.
Изоҳ (0)