1 апрель куни Lego ўйинчоқ конструкторлар компанияси ижтимоий тармоқларда “Яхши бўлиш осонми” мультфильми қаҳрамони — Тим исмли миньон шаклидаги гигант ўйинчоқ тўпламини тақдим этди.
Хабарда таъкидланишича, янги Supersized Tim™ Minion номли тўплам юз мингдан ортиқ конструктор деталларидан иборат бўлади. Аммо Lego мухлислари бу қувончли янгиликдан хурсанд бўлишга улгурмай, бу хабар шунчаки 1 апрель ҳазили экани маълум бўлди.
Бир оз вақтдан сўнг Lego ҳақиқатда янги конструкторлар тўпламини эълон қилди. “Яхши бўлиш осонми” франшизаси икки йирик компанияни бирлаштирди: Illumination вa Universal Products & Experiences билан ҳамкорликда Lego компанияси Грю ва унинг сариқ дўстлари ҳақидаги тўртинчи мультфильм премьераси учун махсус яратилган янги ўйинчоқлар тўпламини тақдим этади.
Фильм намойиши арафасида иккита тўплам сотувга чиқарилади. Биринчи тўпламга Гру, Люси, уларнинг асраб олинган қизлари Марго, Эдит ва Агнес, яқинда туғилган ўғли ва албатта миньонлар киради. Иккинчи тўплам эса мультфильм бош қаҳрамони ва унинг сариқ дўстларидан иборат бўлади.
“Яхши бўлиш осонми” фильмининг тўртинчи қисми премьераси бутун дунё бўйлаб 3 июнда бўлиб ўтади. Унда Грю ҳамда унинг турмуш ўртоғи Люси ва катта оиланинг янги саргузаштлари ҳақида ҳикоя қилинади. Қаҳрамонлар ёвуз Максим ва унинг севгилиси Валентина билан тўқнаш келади.
Изоҳ (0)